"Yaşıllığı qoru, dünyamızı yaşat!" adlı tədbir keçirildi-Fotollar
Yasamal rayon Mərkəzləşdirilmiş Kitabxana Sisteminin A.Şaiq adına 2 №-li kitabxana filialı 147 №-li Texniki-Humanitar Liseydə “Yaşıl dünya naminə həmrəylik ili” çərçivəsində və bu il ölkəmizin ev sahibliyi etdiyi COP29-la bağlı "Yaşıllığı qoru, dünyamızı yaşat!" növbəti maarifləndirici tədbir keçirdi.
Tədbirdə kitabxana filialının müdiri v.m.i.e İradə Hüseynova Azərbaycanda 2024-cü ilin “Yaşıl dünya naminə həmrəylik ili” elan edilməsindən və Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29-un əhəmiyyətindən, sağlam ətraf mühitin insanın həyatına, səhhətinə təsiri barədə şagirdlərə məlumat verdi.
Tədbirdə məktəbin 8a sinifinin rəhbəri, biologiya müəllimi Aytən Ələkbərova sağlam dünya naminə ətraf mühitə diqqət və qayğının artırılmasından, yaşıllıqların salınmasında aktiv iştirak etməyin vacibliyindən, iqlim dəyişiklikləri və onların canlı aləmə mənfi təsirlərindən danışdı.
Şagirdlər arasında sorğu keçirildi. Şagirdlər COP29-la bağlı verilən sualları cavablandıraraq, onun əhəmiyyəti haqqında öz fikirlərini bölüşdülər.
Tədbirdə mövzu ilə əlaqədar videoçarx nümayiş olundu.
Gununxeberı.az
