04-ü Oktyabr şəhid leytenant Şəbiyev Məhəmməd Vaqif oğludunun anım günüdür .

Şəhidlik vətənpərvərliyin ən ali məqamıdır. Şəhidlik zirvəsi isə hünər və qeyrət simvoludur. Bu ucalığa yüksələn qəhrəmanlarımızdan biri də Şəhid Şəbiyev Məhəmməd Vaqif oğludur. Bu gün   Oktyabrda 06 -da   Azərbaycan Ordusunun leytenantının anım gününə həsr olunan tədbirdə Şəhidimizin böyüyüb boya-başa çatdığı 2-ci Zabrat qəsəbəsində adını daşıyan  küçədə inşa edilən xatirə guşəsinin, bulaq-abidə kompleksinin  qarşısında baş tutan tədbirdə  Milli Məclisin deputatı  hörmətli  Azər Allahverənov , şəhidin ailə üzvləri, döyüş yoldaşları, rayon rəsmiləri, qəsəbə sakinləri, müharibə veteranları iştirak etdilər. 

Əvvəlcə torpaqlarımızın bütövlüyü uğrunda canlarından keçmiş vətən oğullarının xatirəsi bir dəqiqəlik sükutla yad edildi. Sonra qəhrəmanımızın abidəsi ziyarət olundu və gül dəstələri qoyuldu. 

Tədbiri giriş sözüilə Şəhidin atası  ehtiyatda olan mayor, Birinci Qarabağ müharibəsinin iştirakçısı olan Vaqif Şəbiyev açaraq ilk öncə Anım Günündə   iştirak edən işkirakcılara  öz təşəkkürünü bildirirərək  qeyd etdi ki, Məhəmməd Şəbiyev torpaqlarımızın azadlığı uğrunda gedən Vətən müharibəsində Ağdam rayonunun müdafiəsində , Talış zirvəsinin və Suqovuşanın azad edilməsində iştirak edib. 04 oktyabr 2020-ci ildə Suqovuşanın azad edilməsi uğrunda gedən döyüşlərdə düşmənin artilleriya atəşi nəticəsində şəhid olduğunu bildirdi .

Sonra tədbirdə cıxış edən  Millət vəkili  Azər Allahverənov  qeyd etdi ki , 

 44 günlük müharibə nəticəsində Azərbaycan Ordusu Müzəffər Ali Baş Komandan, Prezident İlham Əliyevin rəhbərliyi ilə ölkənin ərazi bütövlüyünü, tarixi ədaləti, beynəlxalq hüququ bərpa etmişdir. Ermənistanın Azərbaycana qarşı təcavüzünün qarşısını almaq məqsədi ilə 27 sentyabrda bütün cəbhə boyu əks-hücuma keçən Azərbaycan Ordusu 1990-cı illərin əvvəlində baş verən Birinci Qarabağ Müharibəsi zamanı Ermənistan tərəfindən işğal edilmiş əraziləri işğaldan azad etməyə başladı. 44 gün davam edən və “Vətən Müharibəsi” olaraq adlandırılan müharibə Şanlı Azərbaycan Ordusunun gücünü göstərərək Azərbaycanın qələbəsi ilə başa çatmışdır. Bütün təzyiqlərə, təhdidlərə baxmayaraq Azərbaycan Qələbə qazandı və tarixi ədalət bərpa olundu. 30 ilə yaxın həsrətində olduğumuz 20 faiz torpaqlarımız  Azərbaycan Ordusu Müzəffər Ali Baş Komandan, Prezident İlham Əliyevin rəhbərliyi ilə geri aytarıldı indi bizim bayrğımız  Xankəndində ,Şuşada əbədi dalğalanır.Bizim hec kimin torpaqlarında  gözümüz yoxdu  Azərbaycanın işi haqq işidi, beynəlxalq hüquqa əsaslanır.

Vətən müharibəsində Azərbaycan Respublikasının suverenliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki şəxslər, bütövlükdə xalqımız əzm və iradə, bir yumruq kimi birlik və həmrəylik nümayiş etdirdilər. Prezident İlham Əliyev hərbi sahədə olduğu kimi diplomatik və informasiya savaşı cəbhəsində də misilsiz rəşadət göstərmişdir. Belə ki, müharibənin gedişində və müharibədən sonra onlarla aparıcı xarici KİV-ə müsahibələr vermişdir. 44 günlük müharibədə Ordumuzun qəhrəmanlığı, Ali Baş Komandanın qətiyyəti ermənilərin və havadarlarının bölgədəki siyasətinin iflası ilə nəticələndi. Bütün təzyiqlərə, təhdidlərə baxmayaraq Azərbaycan Qələbə qazandı və tarixi ədalət bərpa olundu. Şəhidlərimizin qisası alındı, qanı yerdə qalmadı.Yekunda Azər Allahverənov "Allah bütün Şəhidlərimizə rəhmət eləsin" deyərək çıxışını yekunlaşdırdı.

 .

Onu qeyd edə ki, şəhidimiz Vətən müharibəsi zamanı torpaqlarımızın azadlığı uğrunda gedən Vətən müharibəsində Ağdam rayonunun müdafiəsində , Talış zirvəsinin və Suqovuşanın azad edilməsində iştirak edib. 04 oktyabr 2020-ci ildə Suqovuşanın azad edilməsi uğrunda gedən döyüşlərdə düşmənin artilleriya atəşi nəticəsində şəhid olub . 

 Bakıdakı 2-ci Şəhidlər xiyabanında da döyüş yoldaşları ilə bərabər uyuyurlar 

O, 1998-ci il avqustun 6-da Bakı şəhərində anadan olub. Bakı şəhəri Sabunçu rayonu II Zabrat qəsəbəsi İstixana kombinatı ev 21 mənzil 4 ünvanda yaşayıb. 2001-ci ildə 282 saylı körpələr evi – uşaq bağçasında tərbiyə alıb. 2005-ci ildə Sabunçu rayonu II Zabrat qəsəbəsində yerləşən 71 saylı Şəhid Elxan Misirxanov adına orta məktəbə gedib. 2013-cü ildə Cəmşid Naxçıvanski adına Hərbi Liseyə qəbul olub. Hərbi liseyi bitirdikdən sonra 2016-cı ildə Heydər Əliyev adına Ali Hərbi Məktəbə daxil olub. 19 iyun 2020-ci ildə həmin ali məktəbin Quru Qoşunları fakültəsini və Silahlı Qüvvələrin Təlim və Tədris Mərkəzinin “Zabit ixtisası” kursunu leytenant rütbəsi ilə bitirərək Müdafiə Nazirliyinin Ağdam rayonunda N saylı hərbi hissəsinə xidmət etməsi üçün göndərilib. Subay idi 

Azərbaycan Ordusunun leytenantı  2020-ci il sentyabrın 27-də ərazi bütövlüyümüzün bərpası, işğal altındakı torpaqların azad edilməsi uğrunda başlanan Vətən müharibəsi zamanı şəxsi igidlik göstərib. 

Ağdam rayonunun müdafiəsində , Talış zirvəsinin və Suqovuşanın azad edilməsində azadlığı uğrunda gedən döyüşlərdə şücaət göstərib, Şəhidlik zirvəsinə yüksəlik .

Oktyabrın 10-da Müdafiə Nazirliyinin rəsmilərinin iştirakı ilə İkinci Fəxri Xiyabanda yüksək səviyyədə zabit kimi dəfn edildi"

 Ölümündən sonra Prezident İlham Əliyevin Sərəncamlarına əsasən Məhəmməd Şəbiyev ölümündən sonra "Rəşadət" ordeni", "Vətən müharibəsi iştirakcısı", "Ağdamın azad olunması", "Suqovuşanın azad olunması" və "Vətən uğrunda" medalları ilə təltif olunub