Goranboyda Şəhid Rauf Cabbarovun xatirəsi yad edilib-Fotolar
Goranboy Rayon Şadılı kənd sakin, Azərbaycan Silahlı Qüvvələrinin zabiti, 1962 ci il təvəllüdlü, 1-ci Qarabağ müharibəsi şəhidi kapitan Rauf Fərrux oğlu Cabbarovun xatirəsi yad edilib.
Keçirilən tədbirdə şəhidin ailə üzvüləri, vətən müharibəsi şəhidlərinin valideyinləri, veteranlar, Şadılı Kənd İnzibati Ərazi Dairəsi üzrə Nümayəndəliyi və Bələdiyyəsi, Şadılı kənd tam orta məktəbinin direktoru, İctimaiyyətçilər və bir qrup kənd sakinləri iştrak edib.
İlk öncə Şadılı kənd qəbristanlığına gələrək şəhid Rauf Cabbarovun məzarı ziyarət edilib önünə tər qərənfillər düzülərək ruhuna dualar oxunub.
Çıxış edən İctimai-fəal, Goranboy rayon İcra Hakimiyyəti yanında yaradılmış İctimai Nəzarət şurasının üzvü Elçin Tağıyev ilk öncə şəhid ailəsinə dərin hüzünlə başsağlığı verərək şəhidimizə uca Allahdan rəhmət ailəsinə səbir diləmişdir.
Bu gün Goranboy rayonunda şəhid və qazi ailələrinə yüksək səviyyədə göstərilən diqqət və qayğıdan danışan Elçin Tağıyev Şəhid Rauf Cabbarovun məzar daşının yenilənməsində əməyi olan Goranboy Rayon İcra Hakimiyyətinin başçısı hörmətli Məhərrəm Quliyevə təşəkkürünü ifadə edib.
2-ci qrup əlil, Prezident təqaüdçüsü, Çernobıl Əlilləri İttifaqı İctimai Birliyi Goranboy və Naftalan Filialının sədri Namiq Məmmədov vətən uğrunda canından keçmiş şəhidlərimizin keçdikləri şərəfli döyüş yolundan söhbət açaraq onların qazandıqları qələbədən danışdı.
Sonda şəhid Rauf Cabbarovun həyat yoldaşı Şəlalə Əlsaab qızı Cabbarova olara göstərilən yüksək diqqət və qayğıya görə ölkə Prezidenti cənab İlham Əliyev ə və Birinci vitse-prezident hörmətli Mehriban xanım Əliyevaya sonsuz minnətdarlığını bildirdi.
Qeyd edək ki, Rauf Cabbarov 1994-cü ilin mart ayında Fizuli rayonunun Şükürbəyli kəndində gedən döyüşlərdə düşmən təxribatının qarşısını alarkən qəhrəmancasına şəhid olmuşdur. Şəhid Rauf Cabbarovun xatirəsinin əbədiləşdirilməsi məqsədilə şəhidin doğulub boya-başa çatdığı Şadılı kəndindəki Şadılı Məktəbi onun adını daşıyır və məktəbdə büstü ucaldılıb.
Allah bütün şəhidlərimizə rəhmət eləsin.
Gununxeberi.az
