Xəzər rayonunda “Polis Günü” qeyd olundu.
Ümummilli lider Heydər Əliyevin 1998-ci il 24 may tarixli 710 nömrəli Fərmanı ilə hər il
iyulun 2-si ölkəmizdə “Polis Günü” kimi qeyd olunur. Bu münasibətlə Xəzər Rayon İcra
Hakimiyyətinin təşkilatçılığı ilə Rayon Polis İdarəsində tədbir keçirildi.
Tədbirdə Rayon İcra Hakimiyyətinin başçısı Elşən Salahov, Rayon Polis İdarəsinin rəisi
polis-polkovniki Əli İbrahimov, YAP Xəzər rayon Təşkilatının sədri Namik Əhmədov, şəhid
atası Şakir Abdullayev, Rayon İcra Hakimiyyətinin və Polis idarənin əməkdaşları iştirak
etdilər.
Tədbir iştirakçıları əvvəlcə Ulu Öndərin abidəsi önünə gül dəstələri düzüb, dahi rəhbərin
xatirəsini ehtiramla anıblar.
Tədbiri giriş sözü ilə Xəzər Rayon Polis İdarəsinin rəisi Əli İbrahimov açaraq
qəhrəmancasına həlak olmuş polislərin xatirəsini 1 dəqiqəlik sükutla yad etdi. Onlara
göstərilən diqqət və qayğıya görə ölkə rəhbəri cənab İlham Əliyevə təşəkkürünü bildirmiş,
Vətənə və vəzifə borcuna bundan sonra da sədaqətlə xidmət edəcəklərini, asayişin və
təhlükəsizliyin mühafizəsi, sabitliyin və əmin-amanlığın qorunmasında əllərindən gələni
edəcəklərini vurğulamışdır.
Rayon İcra Hakimiyyətinin başçısı Elşən Salahov çıxış edərək, peşə bayramı
münasibətilə polis işçilərini təbrik edib, onlara gələcək fəaliyyətlərində uğurlar arzulayıb. O,
qeyd etmişdir ki, dövlətçiliyimizin qorunub möhkəmlənməsində, əmin-amanlığın təmin
olunmasında, Ulu Öndər Heydər Əliyev ideyalarının həyata keçirilməsində Azərbaycan
polisinin müstəsna xidmətləri vardır. E.Salahov onlara bu çətin və şərəfli yolda öz peşəsində
daim ayıq-sayıq olmağı, xidməti vəzifələrini vicdan və məsuliyyətlə yerinə yetirmələrini
arzulayıb.
Daha sonra çıxış edən YAP Xəzər rayon Təşkilatının N.Əhmədov və şəhid atası
Ş.Abdullayev polis işçilərini əlamətdar gün münasibətilə təbrik etmiş, müstəqil
dövlətçiliyimizin qorunmasında, ölkədə sabitliyin təmin edilməsində, cinayətkarlığa qarşı
mübarizədə Azərbaycan polisinin müstəsna xidmətləri olduğunu bildirmişdir.
Sonda xidməti fəaliyyətində fərqlənən bir qrup polis işçisi rayon İcra Hakimiyyəti
başçısının “Fəxri Fərman”ları ilə təltif edilmişdir.
