ŞƏT plyus formatında birgə əməkdaşlığın vacib sahəsi
ŞƏT plyus formatında birgə əməkdaşlığın vacib sahəsi
İyulun 4-də Qazaxıstanın paytaxtı Astana şəhərində “ŞƏT plyus” formatında görüş
keçirilib. Azərbaycan Respublikasının Prezidenti İlham Əliyev tədbirdə iştirak
edib.Azərbaycan Prezidenti İlham Əliyev görüşdə iştirak etmək üçün “Müstəqillik” Sarayına
gəlib.
Astana şəhərində “ŞƏT plyus” formatında keçirilmiş görüşdə çıxışı şəksiz ki, ölkələr
arası əməkdaşlıqlarımızın inkişafına yeni bir uğur kimi yazıldı. Prezidentimizin tarixi
çıxışında bir sıra prioritet məsələləri özündə birləşdirir. Biz 2019-2023-cü illərdə
Qoşulmama Hərəkatına uğurla sədrlik etdik, onun qlobal arenada nüfuzunu və gücünü
möhkəmləndirdik, Hərəkatın institusional inkişafına töhfə verdik, üzv dövlətlərin dəstəyi ilə
Hərəkatın Parlament Şəbəkəsini, Gənclər Təşkilatını təsis etdik, habelə Qadın
Platformasının əsasını qoyduq”.
“ŞƏT plyus” formatında keçirilən görüşə 16 ölkənin dövlət və hökumət başçıları qatılıb.
Dövlətimizin başçısı Qazaxıstan Prezidenti Kasım-Jomart Tokayevin ŞƏT-in sədri
statusunda dəvəti ilə görüşdə iştirak edib. Xatırladaq ki, bu, Prezident İlham Əliyevin
Şanxay Əməkdaşlıq Təşkilatının Zirvə toplantısında ikinci iştirakıdır. Bundan əvvəl Şanxay
Əməkdaşlıq Təşkilatının sədri statusunda Özbəkistan Respublikasının Prezidenti Şavkat
Mirziyoyevin dəvəti ilə dövlətimizin başçısı təşkilatın 2022-ci il sentyabrın 16-da
Özbəkistanın Səmərqənd şəhərində keçirilmiş Zirvə toplantısında iştirak edib.
Azərbaycanın belə mötəbər təşkilatın Sammitinə ikinci dəfə dəvət olunması ölkəmizin,
xüsusilə Prezident İlham Əliyevin dünya miqyasında nüfuzunun və dövlətimizin başçısına
göstərilən yüksək ehtiramın ifadəsidir.
Cənab İlham Əliyev “ŞƏT plyus” formatında çıxışı zamanı bir çox məsələyə toxunub. O
qeyd edib ki, – “Azərbaycan, həmçinin Şimal-Cənub nəqliyyat dəhlizinin inkişafında
mühüm rol oynayır. Şimal-Cənub dəhlizinin Azərbaycan seqmentinin dəmir yolu və
avtomobil infrastrukturu hazırdır və uğurla fəaliyyət göstərir. Ölkəmiz dəmir yolu
daşımalarının həcminin ildə 15 milyon tona qədər artırılması üzərində işləyir, sonradan
zərurət yaranarsa, bu rəqəm 30 milyon tona çatdırılacaq”.
Bakıda keçiriləcək COP29 çərçivəsində inkişaf etmiş və inkişaf etməkdə olan ölkələr
arasında körpü yaratmaq üçün səylərimizi əsirgəməyəcəyik və inkişaf etməkdə olan
ölkələrin legitim maraqlarını nəzərə alacaq razılaşmanın əldə edilməsinə çalışacağıq”.
Azərbaycan multilateralizmi fəal şəkildə dəstəkləyir. Biz 2019-2023-cü illərdə
Qoşulmama Hərəkatına uğurla sədrlik etdik, onun qlobal arenada nüfuzunu və gücünü
möhkəmləndirdik, Hərəkatın institusional inkişafına töhfə verdik, üzv dövlətlərin dəstəyi ilə
Hərəkatın Parlament Şəbəkəsini, Gənclər Təşkilatını təsis etdik, habelə Qadın
Platformasının əsasını qoyduq. Təxminən 200 ölkənin yekdil dəstəyi ilə Azərbaycan bu il
COP29-a ev sahibliyi edəcək. Biz Bakıda keçiriləcək COP29 çərçivəsində inkişaf etmiş və
inkişaf etməkdə olan ölkələr arasında körpü yaratmaq üçün səylərimizi əsirgəməyəcəyik
və inkişaf etməkdə olan ölkələrin legitim maraqlarını nəzərə alacaq razılaşmanın əldə
edilməsinə çalışacağıq.
Keçirilən bu görüş yeni imkanların, perspektivlərin və çağırışların hərtərəfli şəkildə
inkişafına yeni yollar açacaq. Buradan bu nəticəni də çıxarda bilərik ki, Azərbaycanın
özünün təyin etdiyi optimal inkişaf strategiyası ilə şərqin bir nömrəli ölkəsi olmaqda davam
edir.
Nazilə Məmmədova,
Xəzər rayonu, 120 nömrəli tam orta məktəbin direktoru