Gənclər Kitabxanası şair, Əməkdar mədəniyyət işçisi Çingiz Əlioğlunun 80 illik yubileyi münasibətilə elektron məlumat bazasını istifadəçilərə təqdim edib
Cəfər Cabbarlı adına Respublika Gənclər Kitabxanasında şair, Əməkdar mədəniyyət işçisi Çingiz Əlioğlunun 80 illik yubileyi münasibətilə elektron məlumat bazası hazırlanıb.
Kitabxana əməkdaşları tərəfindən hazırlanan elektron məlumat bazasında çağdaş Azərbaycan poeziyasının görkəmli nümayəndəsi Çingiz Əlioğlunun çoxşaxəli bədii yaradıcılığı, Azərbaycan xalqının zəngin ədəbiyyatının tədqiqi və təbliği sahəsində əvəzsiz xidmətləri haqqında məlumat verilir. Elektron məlumat bazasında görkəmli şəxslərin şair haqqında söylədikləri dəyərli fikirlər, müəllifi, redaktoru olduğu əsərlər, tərtib etdiyi kitablar təqdim edilir. Bazada şairin yaradıcılıq nümunələri ilə yanaşı, onun tərcumələri, sözlərinə bəstələnən musiqi əsərlərinin siyahısı, izonəşrlər də yer alır. Məlumat bazasında müəllifin filmoqrafiyası, video və foto qalereyası, virtual kitab sərgisi də təqdim edilir.
Elektron məlumat bazasında Xalq yazıçısı, Azərbaycan Yazıçılar Birliyinin sədri Anarın “Səslərin mənası”, akademik Nizami Cəfərovun “Çingiz Əlioğlu – çərçivənin çərçivəsizliyi, yaxud çərçivəsizliyin çərçivəsi”, filologiya elmləri doktoru, professor Rüstəm Kamalın “Çingiz Əlioğlu şeiri: Dilin magik təcrübəsi” məqalələrinin tam mətni yer alır.
Elektron məlumat bazası kitabxananın rəsmi saytında https://ryl.az/melumat-bazalari/Cingiz_Elioglu_el_melumat_bazasi/index.html yerləşdirilib.
