Azərbaycan neft ölkəsi olmasına baxmayaraq, bərpaolunan enerji mənbələrinə xüsusi diqqət yetirir
Dünyada baş verən kəskin iqlim dəyişiklikləri nəticəsində yaranan ciddi problemlər
bəşəriyyət üçün böyük sıxıntılar yaradır. Bu istiqamətdə dünya dövlətlərinin üzərinə böyük
öhdəliklər düşür. Yer kürəsi bütün insanların vətənidir. Və biz dünyanı qorumaqla hökmlüyük. Bu
istiqamətdə böyük, qlobal tədbirlər həyata keçirilir. Bu il keçiriləcək COP29-da buna həsr
ediləcək. Azərbaycan neft ölkəsi olmasına baxmayaraq, bərpəolunan enerji mənbələrinə xüsusi
diqqət yetirir. Azərbaycanın təbii iqlim şəraiti də buna böyük imkanlar açır. Azərbaycan yaşıl
gündəliyi nümayiş etdirir. Azərbaycan nəinki ənənəvi enerji mənbələrinə, o cümlədən
bərpaolunan enerjiyə sərmayə yatıranlar üçün cəlbedicidir. Azərbaycan Birləşmiş Ərəb
Əmirliklərinin bərpaolunan enerji sahəsindəki şirkəti olan “Masdar” ilə əməkdaşlığa xüsusi önəm
verir. “Masdar” Azərbaycanın bərpaolunan enerji sahəsində strateji tərəfdaşıdır. Ötən ilin
oktyabrında ölkəmizdə 230 meqavatlıq ilk Günəş enerjisi stansiyasının açılışı oldu. Perspektivdə
10 qiqavata və 2030-cu ilədək 5 qiqavata qədər gücü əhatə edən bütün müqavilələr və anlaşma
memorandumları icra olunacaqdır. Bu müqavilələri Azərbaycanın bu sahədəki mövqeyi daha
açıq şəkildə ortaya qoyur. Azərbaycanda yaxşı sərmayə mühiti var. Ölkə ənənəvi enerjidən əldə
etdiyi gəlirləri hazırda bərpaolunan enerjiyə yönəldir. COP29-a ev sahibliyi edəcək ölkə kimi yaşıl
enerjiyə keçid prosesində öndə gedənlərdən olmaq bizim üzərimizə düşən öhdəlikdir.
Azərbaycanın böyük tərəfdaşları var. “Masdar” ölkəmizin strateji tərəfdaşıdır. Həmçinin
“ACWA Power” və BP sərmayədarlarımız sırasındadır. Azərbaycan ilə işləməyi planlaşdıran
digər ölkələrin bir çox şirkətləri var. Dövlətimizin enerji sahəsində streteji hədəfləri daha
böyükdür. Əsas məsələ Milli enerji şəbəkəmizi gücləndirməkdir. Sərmayədarların verdiyi
mümkün qədər çox enerjini qəbul etmək iqtidarında olmalıyıq. Ötürülmə xətləri ilə bağlı
qonşularla fəal çalışmalıyıq. Azərbaycanın özünə planlaşdırdığı qədər bərpaolunan enerji lazım
deyil və bu səbəbdən hədəfimiz ixracdır. Beynəlxalq tərəfdaşlıq tələb edən məsələləri biz
tərəfdaşlarımızla həll etməliyik. Bərpaolunan enerjidən istifadəyə olduqca düşünülmüş yanaşma
tətbiq edilməlidir ki, elektrik enerjisi maksimum istehsal olunsun. Təbii qaza qənaət edilsin ki, o,
əsasən indi Avropaya lazım olan qaydada nəql olunsun. Konfrans enerji sektorunda ölkəmizin
qlobal liderliyini əks etdirir. Bakı Enerji Həftəsində 37-dən artıq ölkədən gəlmiş 300-dən çox
nümayəndə iştirak etmişdir. Tədbir artıq 30 ildir keçirilir. Birinci tədbir hələ 1994-cü ildə təşkil
olunmuşdur. Heç də hər enerji tədbiri ABŞ Prezidentinin müraciəti şərəfinə nail olmur. Bu
tədbirin bütün illəri belə olub və bu, əslində, onun unikal mahiyyətini və gücünü nümayiş etdirir.
Bərpaolunan enerji sahəsində inklüziv platforma olaraq öz sözünü deyir. Tədbir öncə Xəzər Neft
və Qaz Sərgisi və Konfransı adını aldı. Sonra biz bərpaolunan enerji sahəsində işə başladıq.
Tədbir fərqli sektorları əhatə edən Bakı Enerji Həftəsinə çevrildi. Qısa müddət ərzində bir ölkədə
hər istiqamətdə - neft, təbii qaz və indi isə yaşıl enerji sahələrində uğurları görə bilərsiniz.
Ev sahibliyi edən ölkə kimi Azərbaycanın əsas məqsədlərindən biri birliyi və həmrəyliyi
yaratmaqdır. Azərbaycan COP zamanı və ondan sonra sədrliyimiz davam edəcəyi dövrdə elə
müsbət mühit qurmaq istəyir ki, ölkələr və şirkətlər bir-biri ilə istəklə işləsin. Qarşılıqlı iddiaları
kənara qoyaraq planetin qorunması ilə əlaqədar əsas gündəliyə diqqət yetirsinlər.
Ağabəyova Mənzər,
Xəzər rayonu 156 nömrəli tam orta məktəbin müəllimi
