“Nəğməyə dönmüş ömür” adlı tədbir keçirildi
“Nəğməyə dönmüş ömür” adlı tədbir keçirildi
Bakı Şəhər Mədəniyyət Baş İdarəsi və Yasamal rayon
Mərkəzləşdirilmiş Kitabxana Sisteminin M.Ş.Vazeh adına Mərkəzi
Kitabxanası lirik şair, pedaqoq, tərcüməçi Mirzə Şəfi Vazehin anadan
olmasının 230 illik yubileyi ilə əlaqədar “Nəğməyə dönmüş ömür” adlı tədbir
keçirdilər.
Tədbiri giriş sözü ilə Yasamal rayon MKS-nin direktoru, tarix üzrə
fəlsəfə doktoru, Fəxri mədəniyyət işçisi Lətifə Məmmədova açaraq
qonaqları və tədbir iştirakçılarını salamladı. O, şairin yaradıcılığı haqqında
qısa məlumat verərək vurğuladı ki, Mirzə Şəfi əsasən lirik şeirlər yazmışdır.
M.Ş.Vazeh zəngin yaradıcılığı ilə Azərbaycan poeziyasına yeni fikir,
düşüncə tərzi gətirmişdir. Vazeh gözəl şair, pedaqoq və tərcüməçi
olmuşdur.
Filologiya üzrə fəlsəfə doktoru, Azərbaycan Milli Konservatoriyasının
kafedra müdiri, dosent, M.Ş.Vazeh adına Mərkəzi Kitabxananın Fəxri
oxucusu Firudin Qurbansoy çıxışında bildirdi ki, M.Ş.Vazehin doğum tarixi
dəqiq məlum deyil. O, şairin həyatının Tiflis və Gəncə dövrlərinin, onun
yaradıcılığından danışaraq qeyd etdi ki, Vazeh qəlb şairi, sevgi şairidir.
Onun yaradıcılığı ədəbiyyatşünaslar tərəfindən tədqiq edilir. Daha sonra
bildirdi ki, M.Ş.Vazeh haqqında materiallar, xatirələr, biblioqrafik oçerklər
əsasən rus dilindədir.
158 №-li tam orta məktəbin Azərbaycan dili və ədəbiyyatı fənni
müəllimi Xuraman Əliyeva müəllimlik fəaliyyətinə M.Ş.Vazeh yaradıcılığı ilə
gəldiyini vurğuladı. X.Əliyeva qeyd etdi ki, M.Ş.Vazeh ailəsini itirdikdən
sonra Gəncə məscidinin hücrələrində yaşamağa başlamışdır. O, anasının
əmisinin yanında xəttatlığı öyrəndikdən sonra ömür boyu öz müəlliminə
minnətdar olmuşdur. Şairin vəsiyyəti müəlliminin yanında dəfn olunması
olur. AMEA-nın M.Füzuli adına Əlyazmalar İnstitutunda M.Ş.Vazehin öz
xətti ilə yazdığı 2 qəzəli və “Məktubun intizarında” poeması saxlanılır.
M.Ş.Vazehin qəzəlləri, müxəmməsləri sevilib oxunur. O qeyd etdi ki, şairin
şeirlərinin Avropada şöhrət qazandığını görən F.Bodenştedt 1875-ci ildə bu
şeirlərin müəllifi kimi özünü qələmə vermişdir.
AMEA-nın N.Gəncəvi adına Ədəbiyyat İnstitutunun elmi işçisi Orxan
İsayev çıxışında vurğuladı ki, Azərbaycanda M.Ş.Vazeh yaradıcılığının
tədqiq edilməsinə gec başlanmışdır. Şairin yaradıcılığının çox az bir hissəsi
dövrümüzə gəlib çatmışdır. Rus bəstəkarı Anton Rubinşteyn M.Şəfinin bir
neçə şeirinə romanslar yazmışdır.
M.Ş.Vazeh adına Mərkəzi Kitabxananın Abonement bölməsinin
müdiri Lalə Səlimova vurğuladı ki, bu il Mirzə Şəfinin yubiley tədbirləri
keçirilir. Biz də böyük qürur hissi ilə M.Ş.Vazehin adını daşıyan
kitabxanada şairin yubileyini qeyd edirik. O, Mirzə Şəfinin ölümündən sonra
böyük bir məktəb qoyduğunu diqqətə çatdırdı.
M.Ş.Vazeh adına Mərkəzi Kitabxananın Oxuculara xidmət şöbəsinin
müdiri Yeganə Qafarova çıxışında qeyd etdi ki, Mirzə Şəfinin yaradıcılığını
Əlisa Nicatın sayəsində tanıyıb, sevib.
Şair, M.Ş.Vazeh adına Mərkəzi Kitabxananın Fəxri oxucusu Qadir
Hüseynov və M.Ş.Vazeh adına Mərkəzi Kitabxananın böyük metodisti İradə
Hüseynova, 158 №-li tam orta məktəbin 9-cu sinif şagirdləri Xədicə
Allahverdiyeva və Afina Məmmədli M.Ş.Vazehin qəzəllərini söylədilər.
Tədbirdə M.Ş.Vazehin anadan olmasının 230 illik yubileyi ilə əlaqədar
videoçarx və Gəncədəki M.Ş.Vazeh Muzeyinin şəkilləri nümayiş olundu.
https://www.youtube.com/watch?v=uNJq2Hgh9qY
Gununxeberı.az
