Xəzər rayonunda 15 iyun - Milli Qurtuluş Günü" münasibətilə tədbir keçirilib
Xəzər Rayon İcra Hakimiyyəti və Yeni Azərbaycan Partiyası Xəzər Rayon Təşkilatının
birgə təşkilatçılığı ilə "15 iyun - Milli Qurtuluş Günü"nə həsr olunmuş tədbir keçirilib.
Tədbirdə Xəzər Rayon İcra Hakimiyyətinin başçısı Elşən Salahov, YAP Xəzər rayon
təşkilatının sədri Namiq Əhmədov, Milli Məclisin deputatları Sadiq Qurbanov, Jalə
Əhmədova, Azərbaycan Respublikası Prezidenti Katibliyinin sabiq rəisi, 1-ci dərəcəli dövlət
müşaviri, tarix elmləri doktoru, professor Dilarə Seyidzadə, RİH başçısının müavinləri, RİH
başçısı Aparatının şöbə müdirləri, təhsil və səhiyyə müəssisələrinin rəhbərləri, rayon
ictimaiyyətinin nümayəndələri və şəhid ailələrinin üzvləri iştirak edib.
Zirə Mədəniyyət Mərkəzi - Eko-Parkda təşkil olunan tədbirdə qonaqlar öncə Ulu Öndər
Heydər Əliyevin büstü önünə gül dəstələri düzərək əziz xatirəsini ehtiramla yad ediblər.
Tədbir Ümummilli Lider Heydər Əliyevin və Azərbaycan Respubikasının ərazi bütövlüyü
naminə canından keçən şəhidlərimizin əziz xatirələrinin bir dəqiqəlik sükutla yad edilməsi ilə
başlayıb.
Xəzər Rayon İcra Hakimiyyətinin başçısı Elşən Salahov çıxış edərək qeyd edib ki,
müasir Azərbaycan dövlətçiliyinin tarixi başlanğıcı sayılan Milli Qurtuluş Günü çağdaş
tariximizin qızıl hərflərlə yazılmış ən şanlı səhifələrindən biridir. Ümummilli Lider Heydər
Əliyevin böyük xilaskarlıq fəaliyyətinə başladığı 15 iyun tarixində müstəqil Azərbaycan
dövlətinin və xalqının həyatında tamamilə yeni bir dövrə qədəm qoyuldu. Ulu Öndər Heydər
Əliyev hakimiyyətə qayıtdıqdan sonra zəngin dövlətçilik təcrübəsinə və ümummilli maraqlara
əsaslanaraq ölkəmizi siyasi böhrandan xilas etdi. Ulu Öndər müstəqilliyimizin məhv olması,
ölkəmizin parçalanması, daxili və xarici qüvvələrin məkrli oyunlarının qarşısını böyük
məharətlə almaqla yanaşı, dövlətçiliyimizin inkişafı naminə yeni strategiya müəyyənləşdirdi.
Ümummilli Lider Heydər Əliyev tərəfindən həyata keçirilən islahatlar, beynəlxalq əhəmiyyətli
sosial-iqtisadi və siyasi layihələr dövlətimizin tərəqqisinin əsasını qoydu. 15 İyun – Milli
Qurtuluş Günündən başlayan böyük siyasi kurs Azərbaycan Respublikasının Prezidenti
cənab İlham Əliyev tərəfindən çox uğurla davam etdirildiyini qeyd edən E.Salahov eyni
zamanda aparılan daxili, xarici və iqtisadi siyasət nəticəsində Azərbaycanın əldə etdiyi qüdrət
qloballaşan dünyada dövlətimizin qarantına çevrildiyini vurğuladı. 44 günlük Vətən
müharibəsində Azərbaycan əsgəri sözün əsl mənasında xalqımızın hərb və qürur tarixini
yazdı. Rəşadətli Silahlı Qüvvələrimiz Müzəffər Ali Baş Komandanımızın müdrik siyasəti və
qətiyyəti sayəsində uzun müddət davam edən münaqişənin cəmi 44 gün ərzində hərbi yolla
sürətli və ədalətli həllinin mümkünlüyünü bütün dünyaya sübut etdi. 30 ilə yaxın müddətdə
düşmən əsarətində olan torpaqlarımız azad olundu. Torpaqlarımızı azad etməklə biz
dünyaya qalib xalq, qalib dövlət kimi tanındıq.
Ümummilli Lider Heydər Əliyevin Azərbaycan Respublikası və Azərbaycan xalqı
qarşısında olan misilsiz xidmətlərindən danışan Milli Məclisin deputatları Sadiq Qurbanov,
Jalə Əhmədova eyni zamanda Ulu öndərlə bağlı xatirələrini tədbir iştirakçıları ilə bölüşdülər.
Çıxış edən Azərbaycan Respublikası Prezidenti Katibliyinin sabiq rəisi, 1-ci dərəcəli
dövlət müşaviri, tarix elmləri doktoru, professor Dilarə Seyidzadə bəşər tarixində nadir
insanların həyat və fəaliyyəti bütün millətin, xalqın, dövlətin taleyini həll etmiş olduğunu qeyd
edərək, Heydər Əliyevin də məhz belə bir şəxsiyyət kimi tarixdə həkk olunduğunu vurğuladı.
Vahid, bölünməz Azərbaycanın qorunması və möhkəmləndirilməsi xalqımızın Ümummilli
lideri Heydər Əliyevin adı ilə bağlı olduğunu qeyd edərək, onun həyat və fəaliyyəti barədə
danışdı və Ulu öndərlə bağlı xatirələrini tədbir iştirakçıları ilə bölüşdü.
Tədbirdə çıxış edən Namiq Əhmədov Milli Qurtuluş Gününün tarixi əhəmiyyətindən,
müstəqil dövlətimizin qurulmasında və möhkəmlənməsində Ümummilli Lider Heydər Əliyevin
misilsiz xidmətlərindən danışaraq, 1993-cü ildə ölkəmizdə xaos və anarxiyanın hökm sürdüyü
günlərdə Ümummilli Lider Heydər Əliyevin xalqın təkidli tələbi ilə hakimiyyətə qayıtması
nəticəsində siyasi-ictimai sabitliyin bərpa olunduğunu, vətəndaş müharibəsinin qarşısının
alındığını qeyd edib və bu tarixi gün, eyni zamanda, müasir Azərbaycan dövlətçiliyinin xilası
günü olduğunu vurğuladı.
Tədbirin sonunda xatirə şəkli çəkildi.
