“Əsrin sərkərdəsi” kitabının təqdimatı və yaradıcılıq gecəsi keçirildi
Bakı Şəhər Mədəniyyət Baş İdarəsi Yasamal rayon Mərkəzləşdirilmiş
Kitabxana Sisteminin M.Ş.Vazeh adına Mərkəzi Kitabxanası şair, yazıçı-
publisist, M.Ş.Vazeh adına Mərkəzi Kitabxananın Fəxri oxucusu Pərixanım
Mikayılqızının (Muradova) 70 illik yubileyi ilə əlaqədar yazıçının yaradıcılıq
gecəsi və “Əsrin sərkərdəsi” kitabının təqdimatı keçirildi.
Tədbirdə Azərbaycan Respublikasının Dövlət himni səsləndirildi.
Vətən, torpaq uğrunda canlarından keçmiş şəhidlərimizin əziz xatirəsi bir
dəqiqəlik sükutla yad edildi.
Tədbiri giriş sözü ilə tarix üzrə fəlsəfə doktoru, Fəxri mədəniyyət
işçisi, Yasamal rayon MKS-nin direktoru Lətifə Məmmədova açaraq,
qonaqları salamladı. O, Pərixanım Mikayılqızının yaradıcılığı haqqında
tədbir iştirakçılarına qısa məlumat verdi. Bildirdi ki, yazıçı 8 kitab, 200-ə
yaxın elmi və publisistik məqalələr, çoxsaylı şeir və hekayələr müəllifidir. O,
F.b.Köçərlinin yaradıcılığının tədqiqatçısıdır. F.b.Köçərli haqqında
F.b.Köçərli: “Ümmətdən millətə doğru” kitabının müəllifidir.
Filologiya üzrə fəlsəfə doktoru Lalə Hacıyeva çıxışında vurğuladı ki,
44 günlük savaşın eyforiyasının hələ də yaşamaqdadır, bu böyük
sərkərdəmiz İlham Əliyevin nailiyyəti idi. Pərixanım Mikayılqızı bu Qələbəni
şərtləndirən amilləri tədqiq etməyə çalışıb. “Əsrin sərkərdəsi” kitabı bu
günkü və gələcək nəsillər üçün maraqlı mənbə olacaqdır.
Filologiya üzrə fəlsəfə doktoru, dosent Səkinə Bayramova bugünkü
tədbirdə iştirak etdiyinə görə qürur hissi keçirdiyini bildirdi. İşığına
toplaşdığımız “Əsrin sərkərdəsi” kitabında da 44 günlük savaşın təsiri hiss
olunur. Dünyanın diqqət mərkəzinə Azərbaycanı gətirən Ali Baş
Komandanımız İlham Əliyev haqqında kitab yazmaq qürurvericidir.
Tanınmış şair, M.Ş.Vazeh adına Mərkəzi Kitabxananın Fəxri oxucusu
Qadir Hüseynov Pərixanım Mikayılqızını təbrik etdi və “Sən də bir
əsgərsən, sən də bir əsgər” şeirini yazıçıya hədiyyə etdi.
“Azərbaycan Yazıçı Qadınlar” İctimai Birliyinin sədri, yazıçı, publisist
Nüşabə Məmmədli Pərixanım Mikayılqızını hər şeydən öncə humanist, incə
qəlbli yaradıcı biri kimi tanıdığını bildirdi. Onu yubiley və yeni kitabının işıq
üzü görməsi ilə təbrik etdi, yaradıcılıq uğurları arzuladı.
Hüquq elmləri doktoru, professor, Azərbaycanda mülki məcəllə üzrə
ilk alim xanım Məhəbbət Dəmirçiyeva P.Mikayılqızı haqqında öz müsbət
fikirlərini söylədi, onu təbrik etdi, nailiyyətlər arzuladı. O qeyd etdi ki,
Prezident İlham Əliyevdən yazılan kitab çox dəyərlidir.
“Yeni təfəkkür” qəzetinin baş redaktoru, Əməkdar jurnalist Şəmsiyyə
Kərimova müəllifi yubiley münasibətilə təbrik etdi, uğurlarının davamlı
olacağına ümid etdiyini vurğuladı.
Bakı Mühəndislik Universitetinin Həmkarlar Komitəsinin sədri, tarix
elmləri doktoru, professor Şikar Qasımov P.Mikayılqızının yaradıcılığını
çağlayan bulağa bənzətdi. Yazıçının “Əsrin sərkərdəsi” kitabı İlham Əliyev
yoluna verilən qiymətdir. O, müəllifə uğurlar arzuladı.
“Borçalı” nəşriyyatının baş redaktoru, filologiya üzrə fəlsəfə doktoru
Müşfiq Borçalı ZİM və Ziyainfo.az saytının təşəbbüsü ilə AJB-nın üzvü,
jurnalist P.Mikayılqızını 70 illik yubileyi münasibətilə Fəxri fərmanla təltif
etdi.
Filologiya elmləri doktoru, professor Sevil Həsənova çıxışında
vurğuladı ki, harada qadınlar varsa, orada xoşbəxtlik, səadət var. Kitaba
görə müəllifə minnətdarlığını bildirdi. Yazıçıya Cavid əbədiyaşarlığı
arzuladı.
Şair-publisist Təranə Cəbiyeva müəllifi təbrik etdi, ona yaradıcılıq
uğurları arzuladı
Filologiya elmləri doktoru, Əməkdar jurnalist Qərənfil Dünyaminqızı
P.Mikayılqızının “Ümmətdən millətə doğru” kitabına yazdığı məqalə
haqqında danışdı və qeyd etdi ki, “Əsrin sərkərdəsi” kitabı da dəyərli
kitabdır.
Şair, publisist Əzizə Ağahüseynqızı çıxışını Məmməd Aslanən şeiri ilə
başladı. Müəllifə yaradıcılıq uğurları arzuladı və özünün Azərbaycan
əsgərinə həsr etdiyi şeirini oxudu.
AYB-nin üzvü, “Azərbaycan və Türk Dünyası Yazıçıları” Birliyinin
üzvü, Səda TV-nin icraçı direktoru Hacı İlham Qurbanoğlu çıxışında qeyd
etdi ki, biz bu gün azadlığımızı, firavan yaşamağımızı şəhidlərimizə,
qazilərimizə borcluyuq. Ali Baş Komandan haqqında kitab yazmaq şərəfli
bir işdir. O, qadın haqqında şeir oxudu.
Şair, publisist, “Ədəbi incilər” jurnalının baş redaktoru Xalidə Nuray
“Əsrin sərkərdəsi” kitabına görə müəllifə təşəkkürünü bildirdi. X.Nuray “Şeir
qadını” şeirini oxudu.
Həvəskar şair İsmayıl Muradov bildirdi ki, “Əsrin sərkərdəsi” kitabı
möhtəşəm bir əsərdir. O, Ulu Öndər Heydər Əliyevə həsr olunan şeirini
oxudu.
Yazıçı Fazilə Heydərova tədbirə dəvətə görə təşəkkürünü bildirdi.
Qeyd etdi ki, P.Mikayılqızını tanımaq üçün kitablarını oxumaq kifayətdir.
“Ayət” qəzetinin təsisçisi və baş redaktoru Solmaz Şirin və şair
Qəzənfər Mənsimoğlu müəllifi təbrik edib, yaradıcılıq uğurları arzuladılar.
Pərixanım Mikayılqızı tədbirdə iştirakına görə qonaqlara və tədbirin
təşkilinə görə kitabxana kollektivinə minnətdarlığını bildirdi. O, “Əsrin
sərkərdəsi” kitabını Yasamal rayon Heydər Əliyev Mərkəzinə və qonaqlara
hədiyyə etdi.
Tədbirin bədii hissəsində müğənni Fuad Musayev “Ey həyat, sən nə
qəribəsən?”, “Mən gəzirəm hər yanı”, xanəndə Maya Cəbrayılova
“Azərbaycan”, “Yaşa Azərbaycan” mahnılarını və muğamlar ifa etdilər.
Şair, yazıçı-publisist Pərixanım Mikayılqızı M.Ş.Vazeh adına Mərkəzi
Kitabxananın sosial layihələrində fəal iştirakına və 70 illik yubileyi
münasibətilə Fəxri fərmanla təltif olundu.
Tədbirdə Pərixanım Mikayılqızının (Muradova) yaradıcılığına həsr
olunan videoçarx nümayiş olundu.
https://www.youtube.com/watch?v=N6m2bNa9pUg