Nəqliyyat vasitələrinin texniki müayinə mərkəzlərinin fasiləsiz və keyfiyyətli xidməti məmnunluq doğurur
Nəqliyyat vasitələrinin texniki müayinə mərkəzlərinin fasiləsiz və keyfiyyətli xidməti məmnunluq doğurur
***
Daxili İşlər Nazirliyinin (DİN) Baş Dövlət Yol Polisi İdarəsi (BDYPİ) də İdarə rəisi general Ramiz Zeynalovun rəhbərliyi altında üzərinə düşən vəzifələrin öhdəsindən layiqincə gəlir. DİN BDYPİ-nin fəaliyyəti təqdir olunan struktur vahidlərindən biri də Baş Dövlət Yol Polisi İdarəsinin Bakı şəhəri, Zabrat-Maştağa şossesi 5/10 ünvanda fəaliyyət göstərən Texniki Müayinə Mərkəzidir.
Mərkəz öz üzərinə düşən və fəaliyyətinin əsasını təşkil edən vəzifələri - nəqliyyat vasitələrinin konstruksiyasının, texniki vəziyyətinin və avadanlığının qəbul olunmuş təhlükəsizlik qaydalarına uyğun olması, nəqliyyat vasitələrinin istifadə olunması və ya çıxdaş edilməsi zamanı uçot göstəricilərində dəyişiklik aparılması işini uğurla həyata keçirilir. Bu həqiqət qurumun xidmətindən razılıq edən avtomobil sahiblərinin mediada dərc olunan minnətdarlıq nidaları ilə də təsdiqlənir. Vətəndaş Şükür Həsənov Daxili İşlər Nazirliyinə ünvanladığı təşəkkürnamənin surətini saytımızın redaksiyasına göndərərək ictimailəşdirilməsini xahiş etmişdir.
“Bildirirəm ki, bu günlərdə avtomobilimi texniki baxışdan keçirmək üçün Baş Dövlət Yol Polisi İdarəsinin Zabrat Texniki Müayinə Mərkəzinə müraciət etdim. Məni və digər vətəndaşları olduqca yaxşı qarşıladıalrından böyük məmnunluq hiss etdim.
Mərkəzin rəisi, rəis müavini Qoşqar müəllim, 4-cü kabinetdə xidmət aparan Samir müəllim haqqında həmin gün Mərkəzdə rastlaşdığım vətəndaşlardan öyrəndiklərim budur ki, bu şərəfli polis zabitləri öz xidməti fəaliyyətlərində yüksək peşəkarlığı, insani keyfiyyətləri və işdən kənar davranış mədəniyyətləri ilə daxili işlər orqanlarının nüfuzunu daim artırmağa çalışırlar. Qanunun aliliyini rəhbər tutmaqla qanunçuluq, hər kəsin qanun qarşısında hüquq bərabərliyi prinsiplərinə riayət edir, vətəndaşların hüquq və azadlıqlarına, hüquqi şəxslərin mənafelərinə əməl və hörmət edirlər. Daim nəzərə alırlar ki, milli qanunvericiliklə və beynəlxalq konvensiyalarla təsbit edilən insan və vətəndaş hüquqlarının və azadlıqlarının təmin edilməsi Azərbaycan dövlətinin ali məqsədidir.
Yüksək səviyyəli avadanlıqla təchiz olunmuş TMM-də avtomobilimin texniki baxış proseduru cəmi 15-20 dəqiqə çəkdi. Həmin gün ünsiyyətdə olduğum, texniki baxış üçün gələn digər nəqliyyat vasitələrinin sahibləri onlara fasiləsiz və daha keyfiyyətli xidmət göstərilməsi, eləcə də vətəndaş məmnunluğunun təmin edilməsi məqsədilə Baş Dövlət Yol Polisi İdarəsinin paytaxtın Sabunçu və Qaradağ rayonlarında yerləşən texniki müayinə mərkəzlərində 24 saat fasiləsiz iş rejiminin tətbiq edilməsindən olduqca razılıq edirlər. Onlar deyirlər ki, gecə saatlarında avtomobilini texniki baxışdan keçirmək istəyən sürücülər kifayət qədərdir. Saatından asılı olmayaraq müraciət edən sürücülərin məmnunluğu üçün Texniki Baxış mərkəzlərində bütün şərait yaradılması təqdirəlayiq addımdır. Paytaxt ərazisində hərəkəti müəyyən olunan müddətlərdə məhdudlaşdırılan yük avtomobillərinin, sərnişin daşıması ilə məşğul olan avtobusların sürücüləri qurumun fasiləsiz fəaliyyətini alqışlayırlar. İş saatlarında vaxt tapıb avtomobilini texniki baxışa təqdim edə bilməyən minik avtomobillərinin sahibləri də axşamlar avtomobilini rahatlıqla texniki baxışdan keçirmə imkanına malikdirlər.
Onu da qeyd edim ki, Zabratdakı Texniki Müayinə Mərkəzi həm də səliqə-sahmanı ilə seçilir, əkilmiş, vaxtlı-vaxtında qulluq göstərilən gül-çiçək göz oxşayır. Hərəkət iştirakçısı, avtomobil sahibi olaraq yaradılan bu şəraitə görə Daxili İşlər Nazirliyinə, Baş Dövlət Yol Polisi İdarəsi rəhbərliyinə dərin təşəkkürümü bildirirəm”.
İlhamə Abasqızı
Gunnxeberi.az