8 İyun- Xarici siyasətin növbəti qələbəsi
8 İyun- Xarici siyasətin növbəti qələbəsi
Sirr deyil ki, Müstəqil Azərbaycan Respublikası regional və dünya əhəmiyyətli dövlətə çevrilməkdədir. Bu da təsüdüfü deyil. Belə ki, İlham Əliyevin 2003-cü il Prezident seçilməsindən sonra xarici siyasətin ana xəttini aşağıdakı kimi müəyyənləşdirmişdir:
- Azərbaycanın beynəlxalq nüfuzunu yüksəltmək.
- Dünyanın aparıcı dövlətləri ilə faydalı əməkdaşlığı daha da inkişaf etdirmək.
- Dağlıq Qarabağ münaqişəsinin Azərbaycanın milli mənafeyinə uyğun ədalətli həllinə nail olmaq.
Əməkdaşlığın sıx olduğu regionlardan biri də şərq regionudur. Azərbaycan müxtəlif beynəlxalq qurum və təşkilatlarda şərq regionunun ölkələri ilə qarşılıqlı və faydalı şəkildə əməkdaşlıq edir. Belə ölkələrdən biri də Misirdir. Misir ilə əməkdaşlığımızın tarixinə nəzər salsaq, əməkdaşlığımız müstəqilliyimizin ilk illərindən başlayır. Müstəqilliyimizi elan edilməsindən qısa vaxt ərzində müstəqilliyimiz Misir tərəfindən tanınmışdır. 1993 və 1994 cü illərdə hər iki ölkədə qarşılıqlı olaraq səfirliklərimiz fəaliyyətə başlamışdır.
Misir ilə Azərbaycan beynəlxaq təşkilatlar çərçivəsində də fəal çalışır, o cümlədən BMT, Qoşulmama Hərəkatı, İslam Əməkdaşlıq Təşkilatı çərçivəsində əməkdaşlıq edilir. Ən böyük əməkdaşlıq nümunəsi Misirin dəstəyi ilə Qoşulmama Hərəkatına Azərbaycanın sədrlik etməsinə dəstək olmuşdur. Azərbaycan da öz növbəsində Qoşulmama Hərəkatına sədrliyi zamanında regional münaqişələri, o cümlədən təəssüf ki, bugün də davam edən İsrail-Fələstin münaqişəsinin sülh yolu ilə həll edilməsi məsələsini daim diqqətdə saxlamışdır. Bu məsələdə Azərbaycanın mövqeyi birmənalı və dəyişməzdir. Cənab Prezident bir daha çıxışında bunu vurğulayaraq bildirmişdir ki, müstəqil Fələstin dövləti yaranmalı və Şərqi Qüds onun paytaxtına çevrilməlidir. Müharibə dərhal dayandırılmalı və bütün məsələlər sülh yolu ilə həll edilməlidir.
8 iyun tarixli səfər tarixi baxımdan hər iki ölkə üçün çox əhəmiyyətli görüş olmuşdur. Bu görüşdə bir çox sahələri əhatə edən mühüm sənədlər imzalanmışdır. Rabitə, iqtisadi və beynəlxalq arenalarda əməkdaşlıq sahələrini əhatə edən sənədlərin imzalanması sayəsində Misir- Azərbaycan əməkdaşlığı yüksələn xətt üzrə inkişaf edəcəkdir!
Məmmədova Aysel,
Xəzər rayonu, 136 nömrəli tam orta məktəbin müəllimi
