Azərbaycan və TÜRKPA-nın perspektivi: iqtisadi, siyasi və mədəni əlaqələr
Azərbaycan və TÜRKPA-nın perspektivi: iqtisadi, siyasi və mədəni əlaqələr
Azərbaycanın dünya siyasət və iqtisadiyyatında artan nüfuzunun nümunəsi kimi, bölgədə yaratdığı yeni reallıqları, güclənən strateji mövqeyini, iqtisadi və diplomatik inkişafını misal göstərmək olar. Bununla yanaşı Azərbaycanın enerji sənayesindəki rolu böyük bir nüfuz mənbəyi kimi öz əksini tapır. Regionun ən mühüm enerji tədarükçülərindən biri olan Azərbaycan, neft və qaz ehtiyatlarında böyük potensiala malikdir. Bu isə ölkəni regionun iqtisadi və siyasi tərəfdaşı kimi mühüm bir rol oynayır. Azərbaycanın aktiv diplomatik fəaliyyətləri də nüfuzunun artmasında əhəmiyyətli bir rol oynayır. Bu isə özünü beynəlxalq qurumlar, habelə qlobal platformalar üzrə aktiv rolu ilə özünü göstərir. Qərb və Şərqin birləşdiyi bir nöqtədə olan Azərbaycan, regionda sülh və təhlükəsizliyi təmin etmək, iqtisadi əməkdaşlığı inkişaf etdirmək və qlobal problemləri həll etmək istiqamətində aktiv təşəbbüslər irəli sürür. Dövlətimiz üzvü olduğu bütün beynəlxalq təşkilatların fəaliyyətində aktiv iştirak edir, təşkilat daxili münasibətlərin daha da genişlənməsinə, əməkdaşlığın inkişaf etdirilməsinə öz töhfələrini verir. Bu baxımdan, beynəlxalq təşkilat statusuna malik olan Türk Dövlətləri Parlament Assambleyası (TÜRKPA) ilə əməkdaşlığı xüsusi qeyd etmək lazımdır.
Bu təşkilat Türk dünyasının siyasi, mədəni və iqtisadi sahələrdə daha yaxın əməkdaşlığını təşviq etmək və Türk millətləri arasında daha sıx əlaqələrin qurulmasını özündə ehtiva edir. Bununla yanaşı, Türk dövlətləri arasında siyasi dialoqun gücləndirilməsini, ortaq məsələlərin müzakirə və həll edilməsini, mədəni və ictimai əlaqələrin genişləndirilməsini də hədəfləyir. Bu məqsədlərə nail olmaq üçün TÜRKPA, Türk dövlətləri parlamentləri arasında işbirliyini artırmaq, təcrübə mübadiləsini təşviq etmək, müxtəlif sahələrdə təşkilatlanmış tədbirlər və proqramlar təşkil etmək və üzvlərin siyasi, mədəni və iqtisadi maraqlarını müdafiə etmək üçün platforma və imkanlar təmin edir. Azərbaycan TÜRKPA vasitəsilə Türk dünyasının iqtisadi, siyasi və mədəni əməkdaşlığına mühüm önəm verir. Azərbaycan və TÜRKPA arasındakı əlaqələr, beynəlxalq sülh, təhlükəsizlik və əməkdaşlıq üçün bir birləşmə platforması kimi fəaliyyət göstərən müasir siyasət formalarının tipik nümunəsidir. Bu əlaqələr, həm Azərbaycanın həm də TÜRKPA üçün vacibdir.
TÜRKPA-nın təşkil etdiyi plenar iclaslar, Türk dünyasının qədim tarixi bağları və ortaq maraqlarına ismarış edən əhəmiyyətli bir platformadır. Bu toplantılar, mədəni, iqtisadi və siyasi sahədə əməkdaşlığı artırmağı məqsəd edir və Türk xalqlarının bir-biri ilə daha yaxın əlaqələr qurmasını təşviq edir. Bu plenar iclaslar, Türk dünyasının birliyinin konkret bir ifadəsidir. Burada qəbul edilən qərarlar, üzv ölkələr arasında dəstəklənməsinə və əməkdaşlığın güclənməsinə töhfə verir. Ortaq problemlərin həllinə birgə çalışmaq, Türk dünyasının birliyinə olan inancı möhkəmləndirir.
Bildiyimiz kimi, cənab Prezident İlham Əliyev cari ilin 6 iyun tarixində TÜRKPA-nın növbəti plenar iclasının iştirakçılarını qəbul etmişdir. Qəbul zamanı çıxış edən ölkə başçımız bir sıra mühüm məsələləri də vurğulamışdır. Çıxışında TÜRKPA iclasının əhəmiyyətini vurğulayan cənab Prezidentimiz, Türk dünyasının birliyi və dayanışması haqqında da fikirlərini bildirmiş və bu iclasın birliyinin və ortaq məsələlərinin müzakirəsi üçün ətraflı bir platforma olduğunu, eləcə də bu birliyin möhkəmlənməsi üçün əhəmiyyətli bir imkan təşkil etdiyini qeyd etmişdir. Prezident, Azərbaycanın bu təşkilatın bir üzvü olaraq, region və dünya sülhü, təhlükəsizliyi və iqtisadi əməkdaşlığının inkişafı üçün səylərinin davam etdiyini vurğulamışdır. Bu çıxış, Azərbaycanın TÜRKPA-da mövqeyinin və təşkilatın məqsədlərinə olan təsirinin bir nümunəsidir, həm də Türk dünyasının birliyini və əməkdaşlığını artırmaq üçün iradəsini göstərməkdə bir başqa addımdır.
Elçin Məmmədov,
Pirallahı Rayon İcra Hakimiyyəti Başçısı Aparatının Sosial-iqtisadi inkişafın təhlili və proqnozlaşdırılması şöbəsinin müdiri