Respublika Gənclər Kitabxanası “Xalq şairi Vaqif Səmədoğlu - 85” adlı elektron məlumat bazası hazırlayıb
Respublika Gənclər Kitabxanası “Xalq şairi Vaqif Səmədoğlu - 85” adlı elektron məlumat bazası hazırlayıb
Cəfər Cabbarlı adına Respublika Gənclər Kitabxanası Xalq şairi, dramaturq, ictimai xadim Vaqif Səmədoğlunun anadan olmasının 85 illiyi münasibətilə “Xalq şairi Vaqif Səmədoğlu - 85” adlı elektron məlumat bazası hazırlayıb.
Elektron məlumat bazası ilə tanış olmaq üçün kitabxananın rəsmi saytından https://ryl.az/melumat-bazalari/Xalq_shairi_Vaqif_Semedoglu_el_melumat_bazasi/index.html
istifadə etmək olar.
Bazada görkəmli ədibin həyat və yaradıcılığı haqqında geniş məlumat verilmiş, əsərlərindən nümunələr təqdim olunmuşdur. Burada Vaqif Səmədoğlunun yubileyi ilə bağlı rəsmi sənədlər, görkəmli şəxsiyyətlərin onun haqqında söylədikləri dəyərli fikirlər, onunla bağlı xatirələr və ədibin memuarları da yer almışdır. Bundan əlavə, elektron bazada böyük dramaturqun əsərlərindən, həyat və yaradıcılığı haqqında kitablardan, məqalələrdən, ədibin sözlərinə yazılmış mahnılardan, haqqında çəkilmiş filmlərdən də bəhs edilir. Kitabxana əməkdaşları tərəfindən hazırlanmış məlumat bazasında “Təltiflər”, “Vaqif Səmədoğlu medalı”, “İzomateriallar”, “Video və fotoqaleraya” kimi bölmələr də yer alır. Bazada Səməd Vurğunun ev muzeyində yaradılan Vaqif Səmədoğlu guşəsi haqqında da materiallar təqdim olunur.
Gununxeberi.az
