Respublika Gənclər Kitabxanasında 18 sentyabr - Milli Musiqi Günü ilə əlaqədar virtual kitab sərgisi hazırlanıb
Sentyabrın 18-i Azərbaycanda Milli Musiqi Günü kimi qeyd edilir. Bu əlamətdar gün Azərbaycan musiqi mədəniyyətinin incisi, görkəmli korifey bəstəkar, Şərqdə ilk operanın müəllifi Üzeyir Hacıbəyovun doğum günüdür. Elmi musiqişünaslığın, musiqi təhsilinin əsasını qoyan və ömrünün sonunadək musiqi mədəniyyətinin inkişafına rəhbərlik edən böyük bəstəkarın ad gününün rəsmi olaraq Milli Musiqi Günü kimi qeyd edilməsi ənənəsi 1995-ci ildə Ümummilli Lider Heydər Əliyev tərəfindən qoyulmuşdur.
Cəfər Cabbarlı adına Respublika Gənclər Kitabxanası Milli Musiqi Günü ilə əlaqədar olaraq virtual və ənənəvi kitab sərgisi hazırlayaraq, istifadəçilərinə təqdim edir. Kitabxananın rəsmi saytında yerləşdirilən https://ryl.az/multimedia/milli-ruhumuzun-qidasi virtual kitab sərgisində Milli Musiqi Gününün tarixi, 1995-ci ildə Ümummilli Lider Heydər Əliyevin elmi musiqişünaslığın, musiqi təhsilinin əsasını qoyan və ömrünün sonunadək musiqi mədəniyyətinin inkişafına rəhbərlik edən böyük bəstəkarın 110 illik yubileyi ərəfəsində 18 sentyabr tarixinin rəsmi olaraq Milli Musiqi Günü kimi qeyd edilməsi haqqında imzaladığı fərmana dair məlumat, dahi bəstəkar haqqında söylədiyi dəyərli fikirlər təqdim edilir. “Milli ruhumuzun qidası” adlı virtual sərgidə “Şuşa Azərbaycanın musiqi qalasıdır”, “Üzeyirbəy Hacıbəyli fitnələr qarşısında”, “Azərbaycan xalq musiqisinin əsasları”, “Daşa dönmüş musiqi”, “Üzeyir işığında”, “Oxu, tar...”, “Üzeyir Hacıbəyovun publisistikasında musiqi məsələləri”, “Musiqi əsərlərinin təhlili”, “Azərbaycan musiqi tarixi” kimi on beşdən çox kitabın biblioqrafik təsviri, dövrü mətbuat nümunələri yer alır.
Gununxeberi.az
