Azərbaycan-İtaliya əlaqələrində yeni mərhələ
Azərbaycan-İtaliya əlaqələrində yeni mərhələ
Cənubi Qafqazın ən güclü və modern dövləti, siyasi, iqtisadi və mədəni mərkəzi olan Azərbaycanı İtaliya ilə sıx əlaqələr bağlayır. İtaliya ilə münasibətlərin inkişaf dinamikası olduqca yüksəkdir və ölkələrimiz arasında müxtəlif sahələr üzrə əməkdaşlıq əlaqələri daim genişlənir. Azərbaycan Respublikasının Prezidenti cənab İlham Əliyevin İtaliyaya səfəri həm regional, həm də beynəlxalq münasibətlər baxımından mühüm əhəmiyyətə malikdir. İki ölkə arasındakı yüksək siyasi dialoq hazırkı dövrlə yanaşı, gələcək illərdə də əlaqələrin şaxələnməsinə, beynəlxalq əhəmiyyətli məsələlərdə səmimi tərəfdaşlığa xidmət edir. Tərəflərin münasibətləri qarşılıqlı faydalı tərəfdaşlıq xarakteri daşıyır, bir-birinin maraqlarına hörmət prinsiplərinə əsaslanır.
Cənab İlham Əliyevin İtaliyaya işgüzar səfəri çərçivəsində bu ölkədə bir sıra əhəmiyyətli görüşlər keçirib. Bu münasibətlər bütün Avropa və Qafqaz ölkələrinin inkişafına stimul verəcəkdir. Azərbaycan Qafqazda Avropa İttifaqının, o cümlədən İtaliyanın ən yaxın strateji tərəfdaşıdır. Avropa İttifaqı ilə ölkəmiz arasındakı yaxşı əlaqələrin mövcud olmasına vəsilə yaradan səbəblərdən biri də odur ki, Azərbaycan demokratik dəyərlərə malik ölkədir, insanların hüquq və azadlıqları qorunur, söz, mətbuat azadlığı və sərbəstliyi mövcuddur. Məhz bu səbəbdən Azərbaycan-İtaliya əlaqələri bundan sonra da yüksələn xətt üzrə inkişaf edəcək və regionumuzun sabitliyi üçün böyük töhfələrini verəcək. Cənab Prezident İlham Əliyevin İtaliyaya səfəri iki ölkə arasındakı münasibətlərin daha da inkişafı baxımından və strateji əməkdaşlığın gücləndirilməsi askpektindən kifayət qədər əhəmiyyətlidir. Azərbaycan Prezidentinin İtaliyaya səfəri iki ölkə arasındakı əməkdaşlıqda yeni bir mərhələnin əsasını qoyacaq.
Ölkə başçısının İtaliyada yüksək səviyyədə qarşılanması və aparılan mühüm müzakirələr bir daha onu göstərir ki, Azərbaycan-İtaliya münasibətlərinin inkişafı dönməz xarakter alıb və strateji tərəfdaşlığa əsaslanan münasibətlərimiz bundan sonra daha da möhkəmləndiriləcək. 44 günlük Vətən Müharibəsində Azərbaycanın haqlı mövqeyini qəti şəkildə dəstəkləyən ölkələrdən biri də İtaliya olmuşdur. Sonrakı illərdə Romanın siyasi və diplomatik dəstəyi daha da inkişaf edərək hərbi-texniki əməkdaşlıq müstəvisinə qədər genişlənib. Bundan əlavə, hazırda azad edilmiş torpaqlarda bərpa-yenidənqurma işlərində İtaliya şirkətləri də fəal iştirak edirlər. Bütün bunların fonunda Azərbaycan Respublikasının Prezidenti cənab İlham Əliyevin İtaliyaya başlanan növbəti səfəri də mühüm siyasi bir hadisə hesab olunmalıdır. Bu səfər Emmanuel Makron Fransasının Avropada Azərbaycana qarşı “vahid cəbhə” formalaşdırmaq səylərinə sarsıdıcı bir zərbə olmaqla yanaşı, iki ölkə arasındakı strateji əməkdaşlığın üfüqlərini daha da genişləndirəcəkdir.
Emin Süleymanov,
Pirallahı Rayon İcra Hakimiyyətinin əməkdaşı