"Seçkilərdə şəffaflıq tamamilə qorunur"- Partiya sədrlərindən AÇIQLAMA
Ölkədə seçki prosesi davam edir. Növbədənkənar parlament seçkilərində 125 mandat uğrunda 990 namizəd mübarizə aparır.
Gununxeberi.az seçki prosesi ilə bağlı rəylərini öyrənmək üçün 27 saylı Sabunçu İkinci Seçki Dairəsindən namizəd olan Azərbaycan Milli İstiqlal Partiyasınən sədri Arzuxan Əlizadə və 10 saylı Binəqədi Üçüncü Seçki Dairəsindən namizəd olan Böyük Azərbaycan Partiyasının sədri Elşad Musayevlə əlaqə saxlayıb.
Arzuxan Əlizadə bildirib ki, seçki prosesində fəallıq müşahidə olunur:
“Namizədlərimizin irəli sürüldüyü dairələrdə heç bir qanunauyğunsuzluğa rast gəlinməyib. Bundan əvvəlki mərhələlərdə də olduğu kimi heç bir problemlə qarşılaşmadıq. Kampaniyamızı lazımi səviyyədə keçirə bilmək üçün şərait yaradılmışdı. Hazırda isə bütün məntəqələrimizdə vəkillərimiz və müşahidəçilərimiz mövcuddur. Onlardan da seçki prosesi ilə bağlı hansısa mənfi rəy gəlməyib. Ölkə üzrə ümumilikdə 50 dairədən 4500 nəfər müşahidəçimiz var. Daxil olan məlumatlarda heç bir problem olmadığı, prosesin tamamilə şəffaf keçirildiyi bildirilir.
Elşad Musayev bildirib ki, namizədliyi irəli sürülən 10 saylı Binəqədi Üçüncü Seçki Dairəsində heç bir mənfi halla qarşılaşılmayıb:
“Əvvəlki seçkilərdə olduğu bu seçkilərdə də şəffaflıq qorunur. Bu prosesə qədər də seçicilirlə görüşmək və təşviqat kampaniyası aparmaq üçün şərait yaradılmışdı. Ölkənin müxtəlif bölgələrində bizi təmsil edən müşahidəçilərimizdən də hansısa qanun pozuntusu barədə məlumat daxil olmayıb. Ölkə üzrə 4500-ə qədər müşahidəçimiz seçkilərə nəzarət edir. Öz namizədliyim irəli sürülən 10 saylı Binəqədi Üçüncü seçki dairəsində isə 43 nəfərt müşahidəçimiz prosesi izləyir”.
