Bakı kəndlərinin seçimi.. – Azər Allahverənov seçicilərlə görüşüb (FOTOLAR)
Azərbaycanda 1 sentyabrda keçiriləcək növbədənkəar parlament seçkilərində 29 saylı Sabunçu dördüncü seçki dairəsindən deputatlığa namizəd Azər Allahverənov Bakı kəndlərinin seçiciləri ilə görüşlər keçirir.
Namizədin seçki qərargahından verilən məlumata görə, A.Allahverənov əvvəlcə Nardaran və Kürdəxanı qəsəbəsinin sakinləri ilə bir araya gəlib.
Qeyd olunur ki, görüşdən əvvəl Nardaran qəsəbəsinin Şəhidlər Xiyabanında 44 günlük Vətən müharibəsində şəhid olan Xaliq Hüseynov və Hüseyn Xəlilovun əziz xatirəsi yad edilib, onların ruhlarına dualar oxunub. Sonra Nardaran Mədəniyyət Mərkəzində seçicilərlə görüş başlayıb. Tədbiri giriş sözü ilə açan qəsəbə ağsaqqalı Ağasəid Orucov millət vəkilliyinə namizədi tədbir iştirakçılarına təqdim edib.
Özü barədə seçicilərə məlumat verən Azər Allahverənov həyat təcrübəsinə nəzər salıb və seçkiqabağı platformasının ayrı-ayrı aspektləri haqqında danışıb, seçicilər tərəfindən ona etimad göstərildiyi təqdirdə seçki dairəsini əhatə edən kənd və qəsəbələrdə görəcəyi işlər, öz səlahiyyətləri daxilində həyata keçirəcəyi fəaliyyətlər barədə söz açıb. Çıxış edən qəsəbə ağsaqqalı Hacıağa Nuri, qəsəbənin axundu Musa Qasımov və Nardaranda yaşayan digər seçicilər deputatlığa namizəd Azər Allahverənova olan ehtiramını ifadə edib xeyir-duasını verdikdən sonra qarşıdan gələn parlament seçkilərində fəal iştirak edəcəklərini, səslərini layiqli namizədə verəcəklərini bildiriblər. Sonda Azər Allahverənov görüş iştirakçılarının çoxsaylı suallarını cavablandırıb.
Kürdəxanı seçiciləri ilə görüş də maraqlı keçib. Məlumatda bildirilir ki. görüşü giriş sözü ilə açan qəsəbə ağsaqqalı Yamin Nəzərov millət vəkilliyinə namizədi tədbir iştirakçılarına təqdim edib. Müzəffər Ali Baş Komandan İlham Əliyevin rəhbərliyi ilə əldə edilən möhtəşəm Zəfərdən sonra ölkədə ilk dəfə Milli Məclisə seçkilər keçiridildiyini xatırladan Azər Allahverənov, bu hadisənin ölkənin ictimai-siyasi həyatında xüsusi əhəmiyyətə malik olduğunu qeyd edib və bütün seçicilərin bu prosesdə fəal iştirak etməyə çağırıb. Həyat yoluna nəzər salan Azər Allahverənov müxtəlif dövrlərdə çalışdığı sahələrdə qazandığı bilik və bacarığını gələcək fəaliyyətlərdə necə istifadə edəcəyi barədə danışıb. Seçkiqabağı platformasının ayrı-ayrı aspektləri haqqında danışan deputatlığa namizəd seçicilər tərəfindən ona etimad göstərildiyi təqdirdə seçki dairəsini əhatə edən kənd və qəsəbələrdə görəcəyi işlər, öz səlahiyyətləri daxilində həyata keçirəcəyi fəaliyyətlər barədə söz açıb. Çıxış edən qəsəbə Sabunçu rayon ziyalısı İlham Mustafayev və Kürdəxanıda yaşayan digər seçicilər deputatlığa namizəd Azər Allahverənovun fikirlərinə münasibət bildiriblər və parlament seçkilərində fəal olacaqlarını əminliklə vurğulayıblar. Eyni zamanda tədbir iştirakçıları qəsəbə üçün aktuallığı ilə xarakterizə edilən sosial məsələlər barədə danışıblar və bu müraciətlərinin aidiyyəti üzrə təqdim olunmasını xahiş ediblər. Sonda Azər Allahverənov görüş iştirakçılarının suallarını cavablandırıb.
Gununxeberı.az
“AzPolitika.info”