Deputatlığa namizəd Fərhad Səttarov seçicilərlə silsilə görüşlər keçirir - Fotolar
59 saylı Quba seçki dairəsindən deputatlığa namizəd Fərhad Səttarov Quba rayonunun 40-dan çox kəndində, həmçinin Qırmızı qəsəbədə seçicilərlə silsilə görüşlər keçirib.
“Gununxeberi.az” xəbər verir ki, namizəd görüşlərdə Prezident İlham Əliyev tərəfindən regionların inkişafı ilə bağlı həyata keçirilən uğurlu siyasət barədə məlumat verib, həmçinin ölkə başçısının rəhbərliyi altında həyata keçirilən genişmiqyaslı islahatlar və inkişaf proqramlarının əhəmiyyətini qeyd edib və dövlət siyasətinin tam şəkildə dəstəkləndiyini bildirib.
Bundan əlavə, görüşlərdə namizəd seçki platformasını təqdim edərək öz təklif və fikirlərini seçicilərlə bölüşüb, həmçinin rayon sakinlərinin problemlərini dinləyib. Seçicilər isə təqdim edilən proqram və layihələrə dair öz suallarını ünvanlayıblar. Fərhad Səttarov seçicilərin suallarını cavablandırıb, qeyd edilən məsələlərin həlli üçün təkliflərini təqdim edib.
Görüşlərdə iştirak edən seçicilər Fərhad Səttarovun proqramlarının bölgələrin inkişafına müsbət təsir edəcəyini qeyd edib, namizədin açıq və şəffaf yanaşmasını yüksək qiymətləndiriblər. Sonda isə namizədin seçki kampaniyasının növbəti mərhələlərində də seçicilərlə yaxın əlaqələrin davam etdiriləcəyi, onların rəy və təkliflərinin nəzərə alınacağı bildirilib.
Qeyd edək ki, namizəd tərəfindən Quba rayonunun digər kənd və ərazilərində silsilə görüşlərin keçirilməsi davam edir.