“İnsan kapitalı, innovativ gələcək” yanaşmasını rəhbər tutan namizəd: peşəkar kadr hazırlığı dövlət siyasətidir - FOTO
Sentyabrın 1-nə təyin edilmiş Azərbaycan Respublikasının Milli Məclisinə növbədənkənar seçkilərdə 49 saylı Abşeron ikinci seçki dairəsindən deputatlığa bitərəf namizəd olan Rizvan Nəbiyev seçicilərlə növbəti görüşünü keçirib.
Gununxeberi..az xəbər verir ki, budəfəki görüş Abşeron Olimpiya İdman Kompleksində təşkil olunub.
.jpg)
R.Nəbiyev görüş iştirakçılarına Abşeronun təmiz və dayanıqlı inkişafına dair gələcək baxışlarını təqdim edib.
Seçki platforması ilə seçicilərini tanış edən deputatlığa namizəd bildirib ki, bütün aktual məsələlərin həlli istiqamətində səylərini əsirgəməyəcək.
O, seçki platformasında “İnsan kapitalı, innovativ gələcək” yanaşmasını əsas götürdüyünü vurğulayaraq dövlətimizin peşəkar kadr hazırlığı ilə bağlı apardığı tədbirlər barədə danışıb.
R.Nəbiyev rayon üzrə daha çox gəncin xaricdə təhsil alması məqsədilə təqaüd imkanlarının təşviqi, gənclərin xarici dil biliklərinə yiyələnməsinin stimullaşdırılması (güzəştli və ödənişsiz kursların təşkili və s.) istiqamətində praktiki addımlar atılacağını vurğulayıb.
Deputatlığa namizəd eyni zamanda qadın sahibkarların təşəbbüslərinin dəstəklənməsi, kiçik və orta sahibkarlığın inkişafının stimullaşdırılması, əhalinin, o cümlədən gənclərin sosial-iqtisadi problemlərinin həlli istiqamətində qanunvericilik çərçivəsində addımların atılması, bu sahədə müvafiq qanunvericilik aktlarının qəbulunun təşviq edilməsi məsələsinin onun gündəliyində olacağını seçicilərin diqqətinə çatdırıb.
R.Nəbiyev səmimi mühitdə keçirilən görüşdən əvvəl və yekununda seçicilərin müraciətlərini dinləyib, onların ünvanladığı sualları cavablandırıb.
O, bir daha görüş iştirakçılarının diqqətinə çatdırıb ki, seçiləcəyi təqdirdə hər bir seçicisinin müraciəti araşdırılacaq və qanunvericiliyin tələblərinə uyğun şəkildə həll olunması üçün aidiyyəti orqanlara sorğular göndəriləcək və nəticə barədə vətəndaşa operativ məlumat verilməsi təmin ediləcək.
.jpg)
