32 saylı seçki dairəsi üzrə deputatlığa namizədliyi irəli sürülmüş Afət Həsənovanın seçicillərlə görüşləri davam edir
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində 23 avqust 2024-cü il tarixdə Yeni Azərbaycan Partiyası tərəfindən 32 saylı seçki dairəsi üzrə deputatlığa namizədliyi irəli sürülmüş Afət Həsənovanın YAP Suraxanı rayon təşkilatının inzibati binasında aktiv seçicilərlə görüşü keçirilib.
Görüşü giriş sözü ilə açan YAP Suraxan rayon təşkilatının sədri Vüqar Seyidov bildirdi ki, müasir Azərbaycan Ulu Öndər Heydər Əliyevin siyasi irsini özünə istiqamət, yol müəyyən edərək iri addımlarla irəliləyir. Prezident cənab İlham Əliyevin rəhbərliyi ilə həm dövlətimiz, həm də doğma partiyamız-Yeni Azərbaycan Partiyası böyük zəfərlərə imza atmağa davam edir.
Daha sonra çıxış edən namizəd Afət Həsənova gəncləri salamlayaraq qeyd ki, artıq seçkilərə çox az vaxt qalıb. Təbliğat prosesi uğurla davam etməkdədir. Bütün görüşlərdə insanlar Yeni Azərbaycan Partiyasının namizədinə böyük diqqət, qayğılarını ifadə edirlər. Bu da, YAP-ın sədrinə olan böyük sevginin, hörmətin təzahürüdür. Afət Həsənova görüş iştirakçılarını seçkilərdə fəal iştirak etməyə və YAP-ın namizədlərinə səs verməyə çağırmışdır.
Çıxış edən natiqlər Zalxa Osmanova və Gülayə Səfərova öz çıxışlarında seçiciləri parlament seçkilərində fəal iştirak etməyə və YAP-ın namizədinə səs verməyə çağırıblar.
Öz növbəsində görüşdə iştirak edən seçicilər də 1 sentyabr seçkilərində YAP-ın namizədinə səs verəcəklərini vurğulayıblar.
26 avqust 2024-cü il tarixdə həmçinin, YAP Suraxan rayon təşkilatının sədri Vüqar Seyidovun və Yeni Azərbaycan Partiyası tərəfindən 32 saylı seçki dairəsi üzrə deputatlığa namizədliyi irəli sürülmüş Afət Həsənovanın Bülbülə qəsəbəsi Səttar Bəhlulzadə küçəsi döngə 9, Əmircan qəsəbəsi İlham Şükürov və Tahir Bağırov küçələri ünvanlarında yaşayan seçicilər ilə görüşü keçirilmişdir. Görüşdə seçiciləri narahat edən müxtəlif məsələləri dinləyən və aydınlıq gətirən Afət Həsənova qeyd ediblər ki, yenidən etimad göstərilsə, fəaliyyəti dövründə yarım qalmış işlərin və qaldırılan yeni problemlərin öz həllini tapması istiqamətində əlindən gələni əsirgəməyəcək.Yap.otga- istinadən
