26 avqust sadəcə Laçın Şəhəri Günü deyil, həm də diplomatiyamızın qələbə günüdür
2020-ci il sentyabrın 27-də mənfur düşmənə qarşı Vətən müharibəsinə
başlayan Azərbaycanın müzəffər Ordusu, qəhrəman övladları Ali Baş Komandan
İlham Əliyevin əmrini rəşadətlə yerinə yetirərək 44 gün sonra hər bir
azərbaycanlıya canı qədər doğma olan Qarabağımızı işğaldan azad etdilər. Həmin
il dekabrın 1-də Laçın rayonu işğaldan azad edildi, lakin bağlanan üçtərəfli
müqavilənin şərtlərinə əsasən müvəqqəti olaraq Laçın şəhəri və Zabux və Sus
kəndləri bizim nəzarətimizdə deyildi. Nəhayət ki, 2022-ci ilin avqustun 26-da isə
Laçın şəhəri, Zabux və Sus kəndləri ordumuz tərəfindən nəzarətə götürüldü və
həmin gündən etibarən burada geniş tikinti-quruculuq işlərinə başlandı.
Qazanılan zəfərdən keçən dörd ilə yaxın bir müddətdə işğaldan azad olunmuş
ərazilərdə ölkəmiz tərəfindən sürətlə aparılan və bütün dünyaya nümayiş etdirilən
yenidənqurma, bərpa, abadlaşdırma işləri bilavasitə Prezident İlham Əliyevin
nəzarəti ilə həyata keçirilir. Yeni infrastrukturun yaradılması ilə yanaşı, bir çox
dövlətlər üçün nümunəvi hesab olunan müasir idarəçilik modelinin tətbiqi işğaldan
azad olunan ərazilərimizi ümumən regionun yeni inkişaf mərkəzinə çevirməkdədir.
Cənab Prezident İlham Əliyevin son dörd ildə Laçına çoxsaylı səfərləri, sakinlərlə
görüşləri, Laçın Şəhəri Günü ilə bağlı keçirilən tədbirdə çıxışı, bir sıra infrastruktur
layihələrinin açılışlarında iştirakı az bir müddətində görülmüş möcüzəvi işləri
nəinki Laçınlıların, eyni zamanda, bütün dünyanın diqqətinə təqdim etdi,
Azərbaycan xalqının əzmini nümayiş etdirdi. Azərbaycan xalqı necə ki, 44 günlük
İkinci Qarabağ - Vətən müharibəsində əzmkarlıqla öz torpaqlarını qorudu və
işğaldan azad etdi, bundan sonra da Azərbaycan Prezidentinin bəyan etdiyi kimi,
öz torpaqlarının cənnətə çevrilməsi istiqamətində aparılan işləri dayandırmayacaq.
Bu, bir tərəfdən Azərbaycan xalqının birliyini ifadə edən yanaşmadır, digər bir
tərəfdən isə bu gün dünyada baş verən siyasi katoklizmlərin, mövcud olan
münaqişələrin həlli istiqamətində ölkəmizin sülhməramlı qüvvə olaraq çıxış
etməsinin, bölgədə sülhün təmin olunması üçün təkbaşına bütün işləri gördüyünün
əyani sübutudur.
Laçın şəhəri çox böyük coğrafi və hərbi strateji mövqeyə malikdir. Bu gün
istər işğaldan azad olunmuş torpaqlarımıhda, istərsə də regionlarımızda görülən
işlər, İlham Əliyevin hər bir azərbaycanlının Prezidenti olduğunu, sözü ilə
əməlinin üst-üstə düşməsinin məntiqi sübutudur. "Zamanla bütün Qarabağ
abadlaşacaq, buna isə heç kəs maneə ola bilməz", -deyən Azərbaycan Prezidenti
İlham Əliyev hər dəfə işğaldan azad olunmuş torpaqlara səfərləri bir daha göstərir
ki, işğaldan azad olunmuş əraziləri qısa zaman kəsiyində bərpa etməsi üçün
önündəki yeganə maneə zamandır. Zamanla bütün Qarabağ abadlaşacaq, buna isə
heç kəs maneə ola bilməz. Bu gün qədim yurd yerimiz Qarabağımız, onun tərkib
hissəsi olan Laçınımız cənnətməkana çevrilməkdədir. İnşallah ildən ilə bu
torpaqlarimız daha da gözəlləşəcək yeni nəfəs, yeni görkəmlə nəinki ölkəmizdə
regionda və dünyada ən çox turizm imkanlarına malik bölgələrdən biri olacaq. Öz
doğma yur-yuvasına qayıdan laçınlıların sevincini sözlə ifadəsi mümkün
deyil.Laçınlılar 28 il ayrı düşdükləri doğma ata ocaqlarına qayıdıb şən, firəvan və
huzurluu yaşamalarına göre Uca Tanrıya, Müzəffər Ali Baş Komandana və Şanlı
Azərbaycan Ordusuna minnətdarlıq hisslərini bildirirlər.
Vüsal Abbaslı,
Pirallahı Rayon İcra Hakimiyyətinin əməkdaşı
