Respublika Gənclər Kitabxanasında 26 avqust - Beynəlxalq Azərbaycan Muğamı Günü ilə əlaqədar kitab sərgiləri təşkil edilib.
26 avqust tarixi Beynəlxalq Azərbaycan Muğamı Günü və İpək Yolu üzərində yerləşən ölkələrin
musiqisi günü kimi qeyd edilir. Bu münasibətlə Cəfər Cabbarlı adına Respublika Gənclər
Kitabxanasında “Tükənməz xəzinə - Azərbaycan muğamı” adlı virtual kitab sərgisi və “Beynəlxalq
Azərbaycan Muğamı Günü ” adlı ənənəvi kitab sərgisi hazırlanıb. Virtual kitab sərgisində bu
günün təsis edilməsi tarixi, Azərbaycan muğamlarının təsnifatı, inkişaf mərhələri haqqında
məlumat verilir. Materialda Azərbaycan muğamının müasir tarixində ölkəmizin birinci
xanımı, Heydər Əliyev Fondunun prezidenti Mehriban Əliyevanın rəhbərliyi ilə həyata
keçirilən yerli və beynəlxalq əhəmiyyətli silsilə tədbirlər, 2005-ci ildən davamlı olaraq
təçkil edilən “Azərbaycan muğamları” layihəsindən bəhs edilir. Kitabxana əməkdaşları
tərəfindən hazırlanan virtual sərgidə “Muğam aləmi” toplusu, “Muğam ensiklopediyası”,
“Xanəndə Məşədi Qafar Qaryağdı”, “Muğam haqqında əlyazmalar toplusu”,
“Azərbaycan xalq çalğı alətləri”, “Azərbaycan muğam fəlsəfəsi” kimi kitabların qısa
annotasiyası və “Muğam sənətimizin Mehriban himayədarı”, “Muğam aləminin əlvan
rəngləri” kimi məqalələrin yer aldığı dövrü mətbuat nümunələri təqdim edilir. Virtual
kitab sərgisində muğam ifalarının yer aldığı “Xarı Bülbül Festivalı”dan görüntülər,
korifey və müasir muğam ifaçılarının çıxışlarından fraqmentlər nümayiş olunur.
26 avqust - Beynəlxalq Azərbaycan Muğamı Günü və İpək Yolu üzərində yerləşən ölkələrin
musiqisi günü ilə hazırlanan virtual kitab sərgisi kitabxanın rəsmi saytında
https://ryl.az/multimedia/26-avqust-azerbaycan-mugami-gunu yerləşdirilib.
