88 saylı Şamaxı seçki dairəsindən deputatlığa namizəd Tamam Cəfərova təbliğat-təşviqat görüşləri davam edir
Avqustun 20-də 88 saylı Şamaxı seçki dairəsindən deputatlığa namizəd Tamam Cəfərova təbliğat-təşviqat kampaniyası çərçivəsində “İnternat Məzunlarının Sosial İnteqrasiyası” Gənclər İctimai Birliyinin təşəbbüsü ilə icra olunan “Tənha anaların sosial inkişafına dəstək” layihəsi çərçivəsində 2022-ci ildə Şamaxıda fəaliyyətə başlamış sosial müəssisədə çalışan qadınlarla görüşüb.
Qeyd edək ki, bu müəssisə Əmək və Əhalinin Sosial Müdafiəsi Nazirliyi-nin tabeliyində Dövlət Məşğulluq Agentliyi, Azəriqaz İB, Kiçik və Orta Biznesin İnkişafı Agentliyi - KOBİA (KOBİA), Şamaxı Rayon İcra Hakimiyyəti və Bank Respublika ASC-nin dəstəyi, "İnternat Məzunlarının Sosial İnteqrasiyası” Gənclər İctimai Birliyinin təşəbbüsü ilə icra olunan “Tənha anaların sosial inkişafına dəstək” layihəsi çərçivəsində açılıb.
Sosial müssisənin istifadəyə verilməsində məqsəd tənha anaların sosial həyatda fəal iştirakını gücləndirməyə kömək etmək və qadınların iqtisadi, sosial təşəbbüslərini planlaşdırmaq və əlaqələndirmək, sahibkarlıq fəaliyyətini inkişaf etdirmək üçün geniş imkanlar yaratmaqdır.
Layihə çərçivəsində ilk olaraq uşaqlarını tək böyüdən və çoxuşaqlı anaların seçimi aparılıb. Uyğun namizədlərə KOBİA tərəfindən biznes təlimləri keçirilib və təlimin sonunda qiymətləndirmə aparılıb. Layihəyə cəlb olunmuş şəxslərə Dövlət Məşğulluq Agentliyinin banklarla birgə icra etdiyi “Özünüməşğulluğa dəstək” layihəsi çərçivəsində Bank Respublika tərəfindən dərzilik fəaliyyəti üzrə avadanlıqlar təqdim edilib.
Layihə hazırda 18 nəfər qadını əhatə edir. Bundan başqa 30 nəfər ailə başçısını itirmiş tənha qadınlar da təlimlərə və psixoloji seanslara cəlb olunub. Onlar artıq, sosiallaşıb. Hazırda həmin qadınların da, əmək fəaliyyətinə cəlb olunması prosesi gedir. Əlbəttə, belə bir layihə tənha qadınların cəmiyyətin fəal üzvünə çevrilməsi, onların məşğulluğunun təmin olunması baxımından mühüm əhəmiyyət kəsb edir.
Görüşdə Tamam Cəfərova qeyd edib ki, cənab Prezident, Müzəffər Ali Baş Komandan İlham Əliyevin rəhbərliyi altında Vətən müharibəsində əldə edilmiş tarixi Zəfər və 2023-cü il sentyabrın 19-20-də həyata keçirilmiş lokal xarakterli antiterror tədbirləri nəticəsində 30 il ərzində xalqımızın qarşısında duran ən mühüm problem - Azərbaycan Respublikasının suverenliyinin və ərazi bütövlüyünün tam bərpası məsələsi həll edilmişdir.
O qeyd edib ki, yeni dövrdə qarşıda duran strateji vəzifələrimiz müstəqilliyimizi, əldə olunmuş nailiyyətləri daha da möhkəmləndirmək, Azərbaycanı davamlı və dayanıqlı inkişaf edən ölkəyə çevirməkdir. O qeyd edib ki, hazırda işğaldan azad edilmiş ərazilərdə irimiqyaslı bərpa və yenidənqurma işləri, Böyük Qayıdış proqramının icrası uğurla davam etdirilir.
Həmçinin, Tamam Cəfərova qeyd edib ki, Azərbaycan Respublikasında Prezident İlham Əliyevin rəhbərliyi altında vətəndaşların rifahının davamlı yaxşılaşdırılması prioritet vəzifə müəyyən edilmiş, həyata keçirilmiş məqsədyönlü siyasət nəticəsində bu sahədə mühüm nailiyyətlər əldə olunmuşdur.
Tamam Cəfərova xüsusilə vurğulayıb ki, "Azərbaycan sosial dövlətdir. Bizim siyasətimizin mərkəzində Azərbaycan vətəndaşı, onun qayğıları, onun problemləri, onun təhlükəsizliyi, onun xoşbəxtliyi dayanır" deyən Prezident cənab İlham Əliyevin sosial sahəyə xüsusi qayğısı ölkəmizdə davamlı sosial inkişafa, sosial müdafiə və aktiv məşğulluq proqramlarının uğurla davam etdirilərək ildən-ilə əhəmiyyətli dərəcədə genişlənməsinə, sosial təminat sisteminin dəfələrlə güclənməsinə imkan yaradıb.
Tamam Cəfərova qeyd edib ki, əbədi-əzəli torpaqlarımızı düşmən tapdağından azad edən qəhrəman övladlarımızı böyüdüb-tərbiyə edən Azərbaycan qadınlarıdır. Məhz buna görə də tarixi qələbinin əldə olunmasında qadınlarımızın misilsiz rolu danılmazdır və cəmiyyətin hər bir üzvü fədakar Azərbaycan qadınlarına belə qəhrəman övladlar böyütdüklərinə görə minnətdardır.
Daha sonra Tamam Cəfərova ötən dövrdəki fəaliyyəti və seçki platforması haqqında seçicilərə məlumat verib. Onların qaldırdığı məsələlər ətrafında birgə müzakirə aparılıb.
Sonda Tamam Cəfərova sosial müəssisədə çalışan qadınlara gələcək fəaliyyətlərində uğurlar arzulayıb, onlara göstərdikləri xoş, səmimi münasibətə görə minnətdarlığını bildirib.
Gununxeberi.az