Millət vəkili olsam belə Qusarda yaşayacağam….Rəşad Aslanov seçicilərlə görüşdü-Fotolar-Video
61 saylı Qusar seçki dairəsindən deputatlığa namizədliyini irəli sürmüş Rəşad Aslanov avqustun 16-də Qusar rayonu Nəcəfkənd, Yuxarı Tahircal, Zuxul, Xuluq, və Gilah kəndlərində seçicilərlə görüş keçirib.
Deputatlığa namizəd, ehtiyatda olan polkovnik Rəşad Aslanov seçki platforması və deputat seçiləcəyi təqdirdə görəcəyi işlər barəsində seçicilərinə məlumat verib. O qeyd edib ki, ilk dəfədir ki, parlament seçkilərinə namizəd olaraq qatılır: “Mən özüm Sizlərdən biriyəm artıq xidmətimi başa vurub doğma Qusarımızda yaşayıram. Seçkilərdə Sizlər qalib gələrəcəksiniz. Mən Qusarda yaşayacağam Bakıda sadəcə iclaslara və tədbirlərə qatılacağam. Mən daim sizlərin yanında olacağam. Sizlərin mənə doğma münasibəti yaranıb. Mənə göstərilən belə hörmətə qarşı bundan sonra həyatımı Qusarımızn daha da inkişaf olunmasına sərf edəcəm Artıq ucqar kəndlərdədə görüşlər keçirmişəm.Təbliğat-təşviqat zamanı minlərlə əziz və doğma qusarlıların dəstəyini görürəm Çox qürurverici haldır ki, ağsaqqalarımız, ziyalılarımız da bizi dəstəkləyir. Bu, bizim üçün böyük şərəfdir” – deputatlığa namizəd deyib.
Ona uğurlar arzu edən seçicilər seçkilərdə iştirak edəcəyini və Rəşad Aslanovu dəstəkləyəcəyini bildiriblər.
Qərargahdan bildirirlb ki, seçicilərlə görüşlər davam edəcək.
Qeyd edək ki,ehtiyatda olan polkovnik Aslanov Rəşad Əmirbəy oğlu 1979-cu ildə Qusar şəhərində ziyalı ailəsində anadan olub. 2013-2020-ci illərdə müxtəlif xüsusi təyinatlı hərbi hissələrin komandiri vəzifəsində xidmət edib. 44 günlük Vətən müharibəsində gedən döyüşlərdə tabeliyində olan xüsusi təyinatlı bölmələrə yüksək peşəkarlıqla rəhbərlik edib. Ali Baş Komandan İlham Əliyev tərəfindən “İgidliyə görə” medalı ilə təltif olunub. Vətən müharibəsində göstərdiyi şücaətlərə görə Ali Baş Komandan İlham Əliyev tərəfindən “QARABAĞ” ordeni ilə, “Şuşanın azad olunmasına görə”, “Xocavəndin azad olunmasına görə”, “Füzulinin azad olunmasına görə” və “Vətən müharibəsi iştirakçısı” medalları ilə təltif olunub. 2022-ci ildə polkovnik hərbi rütbəsini alıb. Azərbaycan, rus və ingilis dillərini bilir. Vətən Müharibəsində yaralandığına görə ordu sıralarından ehtiyata buraxılıb. Ailəlidir, 2 övladı var.