Məşhur Məmmədov qadın seçicilərlə görüşdü-Foto
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası tərəfindən 74 saylı Masallı seçki dairəsindən deputatlığa namizəd Məşhur Məmmədov Masallı şəhər Mədəniyyət evində qadın seçicilərlə görüş keçirib.
Gununxeberi.azModern.az -a istinadən xəbər verir ki, Məşhur Məmmədov Azərbaycan qadınının ailənin, xalqın və dövlətin dayağı kimi çıxış etməsindən, zaman keçdikcə öz hüquq və azadlıqları uğrunda mübarizə apararaq ölkənin inkişafına töhfələr verməsindən bəhs edərək, vurğulayıb ki, Azərbaycanda bir çox qadınlar siyasi arenada liderlik göstərir, dövlət idarəçiliyində və yerli hökumət orqanlarında mühüm mövqelər tuturlar. Qadınlar arasında millət vəkilləri, nazir müavinləri, icra başçıları və diplomatlar var. Onlar öz fəaliyyəti ilə Azərbaycan cəmiyyətində gender bərabərliyinin inkişafına töhfə verir, qadınların cəmiyyətdə daha güclü mövqe tutması üçün nümunə olurlar.
Məşhur Məmmədov çıxışının sonunda qadınları seçkidə fəal olmağa, layiqli namizədə səs verməyə səsləyib.
Çıxış edən qadın seçicilər daha qüdrətli Azərbaycan naminə YAP-ın namizədinə səs verəcəklərini qeyd ediblər.
