Ceyhun Məmmədov Abşeronda seçicilərlə görüşdü - FOTO
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində Yeni Azərbaycan Partiyası (YAP) tərəfindən 120 saylı Cəbrayıl-Qubadlı seçki dairəsindən deputatlığa namizədliyi irəli sürülmüş Ceyhun Məmmədovun YAP Abşeron Rayon Təşkilatı Akt zalında, Abşeron rayonunda məskunlaşan seçicilərlə görüşü keçirilib.
Görüşü giriş sözü ilə açan YAP Cəbrayıl rayon təşkilatının sədri Arif Fərzəliyev bildirib ki, bu gün partiyanın sıralarında 730 mindən çox üzvün birləşməsi Ulu Öndər Heydər Əliyev ideyalarına sədaqətin, həyata keçirilən siyasətin gələcəyinə inamın göstəricisidir.
Seçicilər qarşısında çıxış edən YAP-ın 120 saylı Seçki Dairəsindən namizədi Ceyhun Məmmədov cənab prezident tərəfindən aparılan islahatlar, Böyük Qayıdış Dövlət Proqramının əhəmiyyəti, abadlıq-quruculuq işləri, qazi və şəhid ailələrinin sosial qayğılarının dövlətimizin və cənab prezidentin daima diqqətində olması haqqında vətəndaşları məlumatlandırıb, onların suallarına cavab verilib.
Tədbirdə çıxış edən təşviqat qrupunun üzvləri AMEA-nın müxbir üzvü Novruz Quliyev, AYB-nin katibi Elçin Hüseynbəyli, Opera və Balet Teatrının baş rejissoru Hafiz Quliyev Xələfli bildiriblər ki, Azərbaycanın sürətli inkişafı, möhkəm ictimai-siyasi sabitlik hər bir vətəndaşda qürur və məmnunluq hissi doğurur. Məhz buna görə də ümumxalq partiyası olan YAP Azərbaycan cəmiyyətinin alternativsiz seçimidir.
Görüşün sonunda seçicilərin fikir və təklifləri dinlənilib, mövcud problemlərin həlli ilə bağlı fikir mübadiləsi aparılıb.Modern.az -a ıstınadin
