Əli Məsimlinin Qaxda seçicilərilə daha bir görüşü -Fotolar
Avqust ayının 16-da 113 saylı Qax-Şəki seçki dairəsindən VII çağırış Milli Məclisin deputatlığına namizəd Əli Məsimli seçkiqabağı təbliğat-təşviqat kompaniyası çərçivəsində Qax rayonunun Turaclı, Marsan, Güdüllü, Tasmallı və Əlibəyli kəndlərində yaşayan seçicilərlə görüş keçirib.
Gununxeberı.az Modern.az -a ıstınadin xəbər verir ki, Əli Məsimlinin hər bir görüşündə olduğu kimi, bu görüşlərdə də əvvəlcə Dövlət Himni səsləndirildi, Azərbaycanın ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edildi.
Əli Məsimli platforması barədə məlumat verdi. O, sosial proseslərin tənzimlənməsi sahəsində zəruri olan tədbirlərdən danışarkən bildirib ki, minimum əmək haqqı orta əmək haqqının 34 %-i səviyyəsindədir və aidiyyati orqanlar onun artırılmasına dair təkliflər hazırlayır. Pensiyalar gələn ilin əvvələrində orta əmək haqqının bu ilki artım tempinə uyğun səviyyədə indeksləşdiriləcək. Bununla yanaşı veteranlara verilən 80 manatlıq müavinətin bu ilin payızında artırılması məqsədəuyğun olardı.
Görüşlərdə iştirakçılar çıxışlarında yaşadıqları kəndlərdə mövcud olan problemləri səsləndirdilər və onların həllinin sürətləndirilməsinin vacibliyini vurğuladılar.
