Müzəffər Ali Baş Komandan İlham Əliyev güclü idman dövlətin rəhbəri kimi
Müzəffər Ali Baş Komandan İlham Əliyev güclü idman dövlətin rəhbəri kimi
Azərbaycanın tarixində möhtəşəm dönüş yaradan, XX əsrin fatehi adı qazanmış cənab Prezident İlham Əliyevin rəhbərliyi altında xalqımızın hərb meydanında qalib olması, tarixi zəfər çalması hər birimiz üçün qürur mənbəyi, iftixar zirvəsi oldu.. Üzün müddətdir ki, xalqımız köksündə saxladığı nisgildən azad oldu..Və qalib xalqın tarixində yeni dövr başlandı..
Yeni dövrdə bütün sahələrdə güclü irəliləyiş, inkişaf açıq aydın görünür. Bu sahələrdən biri qədim tarixi olan idman sahəsidir. Son illərdə isə Azərbaycan bu sahədə aparılan ardıcıl işlər hərb meydanında xalqımızın qazandığı tarixi zəfərin davamı kimi möhtəşəm qələbələr əldə olunmuş, Azərbaycan bayrağı dəfələrlə dünya müstəvisində ucaldılmış, xalqımızın qürur mənbəyinə çevrilmişdir.
Əlbəttə, atılan bütün bu addımlar, əldə olunan nailiyyətlər birmənalı olaraq cənab Prezident İlham Əliyevin yeritdiyi uğurlu siyasətin nəticəsidir. 14 avqust 2024 - cü il tarixində möhtərəm Prezidentimiz İlham Əliyevin XXXIII Yay Olimpiya Oyunların qalibləri ilə görüşü dünya arenasında yeni qələbənin dövlət səviyyəsində təntənəli qələbəsi idi. Təsadüfi deyil ki, Azərbaycan dünyanın 30 ən güclü dövləti arasında 2 qızıl, 2 gümüş, 3 bürünc medal almış, 57 üzvü olan İƏT-da, yəni müsəlman ölkələri arasında üçüncü yerə sahib olmuşdur. Bununla da xalqımız növbəti tarixi qələbəsini yaşamışdır.
XXXIII Yay Olimpiya Oyunlarında Azərbaycan idmançılarının beş idman növü üzrə (cüdo, boks, taekvondo, yunan-roma güləşi, sərbəst güləş) medallar qazanması bir daha göstərir ki, son dövrlərdə Azərbaycanda idmanın çox növləri inkişaf etmişdir. Bu isə öz növbəsində möhtərəm Prezidentimiz İlham Əliyevin idman sahəsinə, idmançılara göstərdiyi yüksək qayğının təzahürüdür. Belə ki, Azərbaycanın əksər rayonlarında Olimpia Komplekslərin yaradılması, gənclərin idmana cəlb olunması və bunun kütləvi hal alması, idmana dövlət səviyyəsində dəyər verilməsinin bariz nümunəsidir.
Bəllidir ki, cənab Prezidentimizin uğurlu siyasəti həm idman sahəsində, həm də digər sahələrdə xalqımıza növbəti zəfərləri yaşadacaq, bayrağımız hər zaman uca olacaq, güclü Azərbaycan dövətimiz daim var olacaqdır. Güclü Azərbaycan dövlətinin vətəndaşı olmağımızla qürur duyuruq.
Şirvanov Sahil,
Xəzər rayonu, 334 nömrəli tam orta məktəbin müəllimi