Deputatlığa namizəd Günay Ağamalı Salyan rayonunda seçicilərlə görüşlərini davam etdirir
Deputatlığa namizəd Günay Ağamalı Salyan rayonunda seçicilərlə görüşlərini davam etdirir
Ana Vətən Partiyasından 65 saylı Salyan-Biləsuvar-Neftçala seçki dairəsi üzrə deputatlığa namizəd Günay Ağamalı 14 avqust 2024-cü ildə Salyan rayonu Kür Qaraqaşlı, Ərəbqardaşbəyli, Xocalı, Cəngan və Beştalı kəndlərində seçicilərlə görüş keçirdi.
Görüşlərdə Günay Ağamalının vəkili Fərqanə Cəbrayılova deputatlığa namizədin tərcümeyi-halı və fəaliyyəti barədə seçicilərə geniş məlumat verdi.
Seçicilərlə görüşlərdə Günay Ağamalı Azərbaycanın qalib ölkə kimi bütün sahələrdə sürətli inkişafından, 44 günlük Vətən müharibəsində qazanılan tarixi Qələbədən söz açdı, Ulu Öndərin siyasi kursunun Prezident İlham Əliyevin və I Vitse-Prezident Mehriban Xanım Əliyevanın uğurla davam etdirdiyini diqqətə çatdırdı, dövlətimiz tərəfindən şəhid və qazi ailələrinə göstərilən diqqət və qayğıdan danışdı.
O, Salyan torpağının böyük şəxsiyyətlər və mütəfəkkirlər yetirdiyini xüsusi olaraq qeyd etdi, Ana Vətən Partiyasından 65 saylı Salyan-Biləsuvar-Neftçala seçki dairəsi üzrə namizəd olmasının ona böyük qürur hissi yaşatdığını söylədi.
Deputatlığa namizəd G.Ağamalı platformasının əsas istiqamətlərini diqqətə çatdırdı.
Seçicilər sentyabrın 1-də Milli Məclisə keçiriləcək növbədənkənar seçkilərdə fəal iştirak edərək, Günay Ağamalıya səs verəcəklərini bildirdilər.
14 Avqust 2024-cü il
