Deputatlığa namizəd Günay Ağamalı Salyan rayonunun Kür Qaraqaşlı kəndində seçicilərlə görüşdü
Deputatlığa namizəd Günay Ağamalı Salyan rayonunun Kür Qaraqaşlı kəndində seçicilərlə görüşdü
Günay Ağamalı 14 Avqust 2024-cü ildə Salyan rayonunun Kür Qaraqaşlı kəndində seçicilərlə görüş keçirdi.
Kür Qaraqaşlı kənd Mədəniyyət Evində keçirilən görüşdə Xocalı, Beştalı, Ərəbqardaşbəyli və Cəngan kəndlərindən olan seçicilər iştirak edirdi.
Öncə Azərbaycanın suverenliyi və ərazi bütövlüyü uğrunda qəhrəmancasına Şəhadətə ucalan Vətən övladlarının əziz xatirəsi bir dəqiqəlik sükutla yad edildi.
Günay Ağamalının vəkilləri Əməkdar müəllim Fərqanə Cəbrayılova və Günaydın Əhədova namizədin tərcümeyi-halı və fəaliyyəti haqqında görüş iştrakçılarına geniş məlumat verdilər.
Tədbirdə çıxış edən Günay Ağamalı görüşə gələn seçicilərə minnətdarlığını və təşəkkürünü bildirdi, deputatlığa namizədliyinin Ana Vətən Partiyasından 65 saylı Salyan-Biləsuvar-Neftçala seçki dairəsi üzrə irəli sürüldüyünü diqqətə çatdırdı.
Təbliğat-təşviqat kampaniyası çərçivəsində keçirdiyi bütün görüşlərdə ağsaqqallarından, böyüklərdən xeyir-dua aldığıni deyən G.Ağamalı salyanlıların hər zaman xalqına, dövlətçiliyinə çox bağlı olduqlarını bildirdi. O, Salyan torpağının böyük mütəfəkkir Əli bəy Hüseynzadənin, damarlarında türk qanı axan istiqlal şairimiz Xəlil Rza Ulutürkün, dahi bəstəkarımız Arif Məlikovun və digər tanınmış şəxsiyyətlərin, generalların Vətəni olduğunu qeyd etdi.
“Biz Heydər Əliyev yolunun yolçularıyıq, davamçılarıyıq. Bu müqəddəs yolda olmağımızla qürur duyuruq”,- deyən G.Ağamalı əsası Ulu Öndərmiz Heydər Əliyev tərəfindən qoyulan bu siyasi kursun Prezident İlham Əliyev və hər bir azərbaycanlının sevimlisi olan I Vitse-Prezidentimiz Mehriban Xanım Əliyeva tərəfindən uğurla davam etdirdiyini diqqətə çatdırdı.
G.Ağamalı bu gün Azərbaycanın dünyada qalib ölkə kimi tanındığını, böyük söz, nüfuz sahibi olduğunu və ölkəmizin bütün sahələrdə sürətlə inkişaf etdiyini bildirdi. Qeyd etdi ki, xalqımız 44 günlük Vətən müharibəsində ölkə Prezidentinin ətrafında Dəmir Yumruq kimi birləşərək həmrəylik nümayiş etdirdi. Azərbaycan xalqı Müzəffər Ali Baş Komandan, Prezident İlham Əliyevin rəhbərliyi ilə rəşadətli Ordumuzun gücü, qəhrəmanlıqları sayəsində tarixi Qələbə qazandı.
Günay Ağamalı dövlətimiz tərəfindən şəhid və qazi ailələrinə göstərilən diqqət və qayğıdan danışaraq hər zaman onların yanında olacağını bildirdi.
Sonra G.Ağamalı seçki platformasını görüş iştirakçılarının diqqətinə çatdırdı. O, platformasının əsas istiqamətlərinin Salyan-Biləsuvar-Neftçala rayonları ilə bağlı öhdəliklər, erkən nigah, peşə təhsili, 600-dən yuxarı bal toplayan abituriyentlərə mükafatalrın verilməsi, şəhid ailələrinə, yaşlı insanalara, kimsəsiz qocalara diqqət yetirilməsi, qadın və uşaqların hüquqlarının müdafiəsi və digər istiqamətləri əhatə etdiyini söylədi.
“Çalışacağam ki,sizlərdən biri olum, sizin səsiniz olum, sözünüz olum, sizin haqqınız olum, sizin hüquqlarınızın müdafiəçisi olum. Siz bunu mənim fəaliyyətimdə, gördüyüm işlərdə görəcəksiniz” deyən Günay Ağamalı deputat seçiləcəyi təqdirdə onların problemlərinin səlahiyyəti çərçivəsində həll olunması istiqamətində səylə çalışacağını vurğuladı.
Görüşdə iştrak edən seçicilər sentyabrın 1-də Milli Məclisə keçiriləcək növbədənkənar seçkilərdə fəal iştrak edəcəklərini və deputatlığa namizəd Günay Ağamalıya dəstək olacaqlarını, ona səs verəcəklərini bildirdilər.
Günay Ağamalının Salyan rayonunda seçicilərlə görüşləri davam edir.
14 Avqust 2024-cü il