Qardaşlıq dəstəyi
Qardaşlıq dəstəyi
Avqustun 9-da Azərbaycan Respublikasının Prezidenti İlham Əliyev Qazaxıstanın paytaxtı Astanada Mərkəzi Asiya və Azərbaycan Respublikasının Dövlət Başçılarının görüşündə iştirak edib. Qazaxıstan Prezidenti Kasım-Jomart Tokayev Azərbaycan Prezidenti İlham Əliyevi və digər dövlət başçılarını qarşılamışdır.
Mərkəzi Asiya Dövlət Başçılarının görüşündə fəxri qonaq qismində iştirak edən cənab prezident İlham Əliyev dəvətə görə Qazaxıstan Prezidentinə təşəkkür etmis və bildirmişdir ki, bu görüş Mərkəzi Asiya dövlətləri ilə Azərbaycan Respublikası arasında münasibətlərin həssas dəyərlər əsasında qurulmasından xəbər verir. Son iki ildə Mərkəzi Asiya Ölkələrinə 16 dəfə səfər edən prezident İlham Əliyev bildirdi ki, bu münasibətlər iqtisadi, siyasi əlaqələrin qurulmasında müstəsna rolu vardır.
Azərbaycan və Mərkəzi Asiya ölkələri artan strateji əhəmiyyətə malik olan vahid tarixi-mədəni coğrafi regiondur. Xalqlarımızı çoxəsrlik tarix, mədəniyyət, din və ortaq dəyərlər birləşdirir. Bu dəyərlər bizim keçmişi bildirməklə yanaşı gələcək əməkdaşlığımızı, qardaşliğımızi bildirir. Ermənistanın işğalından azad edilmiş Qarabağın bərpasına dəstək qardaşlıq münasibətlərimizin təzahürlərindən biridir. 44 günlük haqq savaşında əməkdaşlığımız milli birliyimizi nümayiş etdirir. Ermənistan tərəfindən təxminən 30 illik işğal dövründə bu ərazilərdə 9 şəhər və yüzlərlə yaşayış məntəqəsi məhv edilib. İşğaldan azad olunmuş ərazilərdə hazırda genişmiqyaslı bərpa işləri aparılır və keçmiş məcburi köçkünlərin öz doğma yurdlarına qayıdışı davam edir. Ötən il Füzuli şəhərində Özbəkistanın hədiyyəsi olan Mirzə Uluqbəy adına orta məktəbin, bu il isə Qazaxıstanın hədiyyəsi olan Kurmanqazı adına Uşaq Yaradıcılıq Mərkəzinin açılışı olub. Həmçinin bu il Ağdam rayonunda Qırğızıstanın hədiyyəsi olan orta məktəb binasının təməlqoyma mərasimi keçirilib.
Sammitdə çıxış edən prezident İlham Əliyev bildirdi ki, Bakı-Tbilisi-Qars dəmir yolunun yükaşırma qabiliyyətinin 1 milyon tondan 5 milyon tonadək artırılması, Ələt Beynəlxalq Ticarət Limanının illik ötürücülük qabiliyyətinin 15 milyon tondan 25 milyon tonadək artırılması istiqamətində görülmüş işlər, Xəzər dənizində Azərbaycanın ticarət donanması üçün yeni gəmilərin sifariş edilməsi, eləcə də Mərkəzi Asiya ölkələrində infrastruktur layihələrinin həyata keçirilməsi Orta Dəhlizin praktiki cəhətdən önəmini daha da artırır. Həmçinin sammitdə çıxış edən prezident İlham Əliyev hamının diqqətinə çatdırmışdır ki, noyabr ayında COP29 iqlim konfransına ev sahibliyi edəcəkdir və indidən Mərkəzi Asiya ölkələrinə dəvətnamə göndərilmişdir.
Cavid Cəfərzadə,
Xəzər rayonu, 206 nömrəli tam orta məktəbin direktoru
