“Qərb Ermənistanı militarizasiyaya, revanşizmə həvəsləndirir”
ABŞ və Avropa İttifaqı Ermənistanı müharibəyə hazırlayır. 5 aprel görüşü zamanı Ermənistan, Aİ və ABŞ razılaşmada hərbi əməkdaşlığa dair məxfi anlaşmanın olduğunu israrla təkzib edirdilər. ABŞ-Ermənistan hərbi təlimləri, ABŞ-dan Ermənistana gizli silah daşınması həqiqəti açmağa imkan verir. Məqsəd isı aydındır - Ermənistanı hərbi cəhətdən gücləndirməklə hərbi balansı dəyişmək və yeni münaqişə ilə Cənubi Qafqazı parçalamaqdır.
Təsadüfi deyil ki, Avropa İttifaqı Avropa Sülh Fondu vasitəsilə 10 milyon avro ayırıb ki, bu da açıq şəkildə Ermənistanın militarizasiya siyasətinin davamına təkandır. Bu yardım, Ermənistan hakimiyyəti və cəmiyyətini revanşist siyasətlərini davam etdirməyə həvəsləndirir. Təbii ki, bu dəstəkdən sonra Ermənistan Azərbaycana qarşı ərazi iddialarından imtina etməyəcək. Fransa və Hindistandan ölümcül hücum silahlarının alınması davam edəcək.
Bu arada, Ermənistanda keçmiş Qarabağ separatçılarının intensiv fəaliyyəti də müşahidə olunur. Məsələ burasındadır ki, hələ də "artsax" nümayəndəliyi fəaliyyətini davam etdirir. Bütün bunlar Ermənistan hakimiyyətinin revanşist ideyalardan əl çəkmədiyini təsdiqləyir. Bununla yanaşı, Ermənistan konstitusiyasını da dəyişmək istəmir, yəni Azərbaycana qarşı ərazi iddialarını davam etdirir. Bunlar Ermənistanın Qərb tərəfindən həyata keçirilən militarizasiya siyasətinin nəticələridir.
Təsadüfi deyil ki, Ermənistan Kəlbəcər istiqamətində ağır silahlar və Tovuz istiqamətində kvadrokopter tətbiq etməklə təxribatlar törədir. Təbii ki, bu təxribatlar Ermənistana baha başa gələcək.
Ermənistan və onun havadarları Cənubi Qafqaz regionunda yeni müharibə ocağı yaratmaq kimi niyyətlərindən çəkinməlidirlər. Ölkəmizə qarşı bu kimi təxribat əməlləri dayandırılmadığı təqdirdə, Azərbaycan Respublikası Silahlı Qüvvələrinin arsenalında olan bütün vasitələrdən istifadə etməklə özünü müdafiə məqsədilə lazımi cavab tədbirləri görüləcək.
Regionda vəziyyətin gərginləşməsinə görə bütün məsuliyyət Ermənistanın hərbi-siyasi rəhbərliyinin və onun havadarlarının üzərinə düşəcək.
Prezident İlham Əliyevin də bəyan etdiyi kimi, Ermənistanın aldığı silahların kritik həddə çatmasını görsək, onda bizdən heç kim inciməsin.
Gununxeberi.az
