“Dilimiz və əlifbamız – milli sərvətimizdir” adlı tədbir keçirildi
Yasamal rayon MKS-nin A.Şaiq adına 2 №-li kitabxana filialı 94 nömrəli Körpələr evi-uşaq bağçasında uşaqlar üçün 1 avqust – Azərbaycan Əlifbası və Azərbaycan Dili Günü ilə əlaqədar “Dilimiz və əlifbamız – milli sərvətimizdir” adlı tədbir keçirdi.
Tədbir “Uşaqlara dair Strategiyanın həyata keçirilməsi üzrə 2020-2025-ci illər üçün Fəaliyyət Planı”nın icrası ilə əlaqədar təşkil olunmuşdur.
Tədbirdə qeyd olundu ki, Ulu Öndər Heydər Əliyevin 9 avqust 2001-ci ildə imzaladığı “Azərbaycan əlifbası və Azərbaycan dili gününün təsis edilməsi haqqında” Fərmanına əsasən bu gün qeyd edilir. Ümummilli Liderimiz Heydər Əliyev demişdir: “İnkişaf etmiş zəngin dil mədəniyyətinə sahib olan xalq əyilməzdir, ölməzdir, böyük gələcəyə malikdir”.
Tədbirdə A.Şaiq adına kitabxana filialının müdiri v.m.i.e. İradə Hüseynova və kitabxananın əməkdaşı Dəniz Vətəni 1 avqust – Azərbaycan Əlifbası və Azərbaycan Dili Günü ilə əlaqədar bu əlamətdar günü uşaqların sevinclə qarşıladığını və doğma ana dilimiz olan Azərbaycan dili ilə fəxr etdiyimizi vurğuladılar. Dil hər bir millətin milliliyinin əsasıdır. Əlifba kitabı dünyanın ən gözəl kitabıdır.
Tədbirdə uşaqlarla diskussiya aparıldı, onlar şeirlər söylədilər, maraqlı oyunlar təqdim etdilər.
Kitabxana əməkdaşları balaları bu gözəl bayram münasibəti ilə təbrik etdilər, dünyanın bütün uşaqlarına sülh, əmin-amanlıq, sağlamlıq və xoşbəxt gələcək arzuladılar.
