Dezinformasiyaya qarşı mübarizə bugün böyük siyasi əhəmiyyət kəsb edir
Dezinformasiyaya qarşı mübarizə bugün
böyük siyasi əhəmiyyət kəsb edir
Müasir dövrdə elmi texnoloji inkişafın nəticəsində informasiyanın sürətli yayılması, ən qısa vaxtda əldə edilməsi daha da asanlaşıb. Bu prosses həm də mövcud reallıqları yalnış istiqamətə yönləndirməyə kömək edir. Ermənistan diasporası uzun illər bu imkanlardan faydalanaraq Azərbaycan-Ermənistan reallıqlarını öz istədikləri kimi təqdim etməyə çalışmışlar. Yalan məlumatlar, dezinformasiya xarakteri alaraq ölkəmizin reallıqlarını beynəlxalq arenaya yalnış şəkildə təqdim edirdi. Biz uzun müddətli mübarizə nəticəsində Ermənistanın dövlət səviyyəsini apardığı bu ikiüzlü siyasətin qarşısını ala bildik. Halhazırda Cənubi Qafqaz regionunda tarixi transformasiya prosesləri baş verir. Ənənəvi ittifaqlar bir qədər zəifləyib və yeni əməkdaşlıq formatları meydana gəlib. Regionun xalqları özlərini təhlükəsiz hiss edir. Münaqişələr və qarşıdurmalar keçmişdə qalıb.
Bugün Qarabağ və Şərqi Zəngəzurda aparılan bərpa işləri ilə bağlı ümidlərimiz nikbindir. Azərbaycan cəmiyyəti bu istiqamətdə aparılan tədbirlərdə fəallıqla iştirak edir. Bəzən Azərbaycan haqqında beynəlxalq mediada yayılan məlumatlar həqiqətə uyğun olmur. Biz uzun illər ərzində bunun qurbanı olmuşuq. Onlardan biri Ermənistan və Azərbaycan arasındakı münaqişə idi. Azərbaycan haqqında yanlış narrativlər yayaraq Azərbaycanı reallıqdan çox uzaq olan bir şəkildə təqdim edirdilər. Azərbaycan torpaqlarının işğal prossesi 30 il davam edib. Ancaq bu illər ərzində bizi dünyada təcavüzkar kimi təqdim edirdilər. Medianın bu məsələni işıqlandırması, siyasi motivlərə söykənən mesajlar və qərarlar nəticəsində biz beynəlxalq sanksiyalara məruz qaldıq. Buna nümunə olaraq deyə bilərik ki, ABŞ 1992-ci ildə Azərbaycana qarşı sanksiyalar həyata keçirildi. Konqresin ermənipərəst nümayəndələrinin səyləri nəticəsində bizə qarşı sanksiyalar tətbiq edildi. Absurd bir vəziyyətdir ki, humanitar böhrana məruz qalan, bir milyon qaçqını olan, işğal edilmiş əraziləri tamamilə dağıdılan bir ölkə sanksiyalara məruz qalmışdır.
Biz artıq medianın siyasi motivlərə dayanaraq mövqe nümayiş etdirməsini dünyanın ən inkişaf etmiş dövlətlərində baş verən siyasi hadisələrdə də açıq-aşkar müşahidə edirik. Beləki prezident Tramp “Vaşinqton Post”u və “Nyu-York Tayms”ı feyknyus, yəni yalan xəbər mənbəyi adlandırıb. Bu gün ABŞ Prezidenti məhz media tərəfindən hücumların, ictimai rəyin manipulyasiyasının qurbanıdır. Bir çox xalqların və ölkələrin taleyi böyük dərəcədə Birləşmiş Ştatların birinci şəxsinin verəcəyi qərarlardan asılı olur. Prezident Trampın hələ də davam edən kampaniya zamanı səsləndirdiyi mühüm tezislərdən biri də odur ki, onun vaxtında heç bir müharibə olmayacaq. Onun hakimiyyəti dövründə Amerika müharibələrə başlamadı. Bu dünyanın beynəlxalq sülh istiqamətindəki vacib dəyərlərindən biridir. Son vaxtlar Zirvə görüşlərinin intensivliyinin artması ümidvericidir. Aparılan müzakirələr ümumi birliyə, qarşılıqlı əməkdaşlığa yönəlməyimizin vacibliyini ortaya qoyur. Biz istərdik ki, Azərbaycanda və regionda baş verən hadisələr obyektiv şəkildə işıqlandırılsın. Sovet İttifaqının süqutundan sonra Qərbdə və keçmiş sovet respublikalarının çoxunda belə bir fikir var idi ki, irəli getməyin və mövcudluğunu təmin etməyin yeganə yolu böyük ölkələrin diktəsi altında yaşamaqdır. Biz fərqli yol seçdik. Bu, asan deyildi. Bizim ölkədə sabitliyi pozmaq səyləri oldu. 2000-ci illərin əvvəllərində narıncı inqilablar, rəngli inqilablar cəhdləri olurdu. Eyni zamanda, bizim seçimimiz Azərbaycanın satellit ölkəyə, “proksi” ölkəyə, vassal, qul ölkəyə çevrilməsinin qarşısını aldı. Biz de-fakto və de-yure müstəqilliyi seçdik. Müstəqil xarici siyasət, özünü təmin edən iqtisadiyyat, tərəfdaşlarımızla, - o ölkələrlə ki, onlar bizimlə əməkdaşlığa can atırdı. Səmərəli əməkdaşlıqların qurulması tərəfdaş ölkələr üçün də uğurlu idi.Xüsusilə qeyd etməliyik ki, biz heç bir zaman nə işğalı, nə fəsadları, nə verdiyimiz qurbanları, nə böyük Qələbəmizi unutmayacağıq. Biz və bizim gələcək nəsillərimiz bu Qələbə ilə fəxr edəcək. Bizim hədəfimizi daha da irəli getməkdir. Dövrün qlobal problemlərinə yönələrək ümumi dünya naminə çalışaraq dostluq və qarşılıqlı tərəfdaşılığın olduğu bir gələcək təmin etməliyik.
Azərbaycan bərpaolunan enerji sahəsində böyük nailiyyətlərə imza atıb. Biz ən böyük Günəş Elektrik Stansiyasını - 230 meqavat gücündə stansiyanı istifadəyə verdik. İndi isə 240 meqavatlıq külək elektrik enerjisi stansiyası ilə bağlı işlər yekunlaşır. Tezliklə biz 240 meqavatlıq Günəş Elektrik Stansiyasının açılışını edəcəyik. Birinci layihə “Masdar” şirkəti, ikinci layihə isə “Acwa Power” şirkəti tərəfindən həyata keçirilir. Üçüncüsü isə BP tərəfindən inşa ediləcək. Yəni, bunlar dünyanın aparıcı enerji şirkətləridir. Bununla yanaşı, ötən ay Bakıda biz üç Günəş və külək elektrik stansiyasının təməlini qoyduq, ümumi həcm bir qiqavatdır. Biz bu sahədə çox böyük işlər görürük. Böyük potensialımız həm texniki, həm də iqtisadi sahədə öz sözünü deyir. Texniki baxımdan dənizdə külək enerjisi potensialı 157 qiqavatdır. Beynəlxalq Maliyyə Korporasiyasının hesablamalarına görə, iqtisadi baxımdan quruda Günəş və külək stansiyalarının potensialı, göstərir ki, biz 27 qiqavat həcm istehsal edə bilərik. Bu həcm olduqca böyükdür.
ABŞ-la münasibətlərimiz prezident Trampın prezidentliyi dövründə çox səmərəli əməkdaşlıq istiqamətində inkişaf edib. Bu əməkdaşlıq qarşılıqlı hörmət üzərində qurulmuşdur. Azərbaycan-ABŞ münasibətlərin tarixində müəyyən enişli-yoxuşlu dövrlər olub. Çünki bəzən Azərbaycanla bağlı müəyyən şişirdilmiş gözləntilər olub. Digər tərəfdən, onlar bizim siyasi həyatımıza müdaxilə etməyə çalışıblar, siyasi müxalifəti maliyyələşdirmək cəhdləri ediblər. Bu cəhdlər birbaşa və ya müəyyən QHT-lər vasitəsilə olub. Qafqazda ayırıcı xətlərin çəkilməsi olduqca təəccüblüdür. Hazırkı ABŞ Administrasiyasının fəaliyyətindən, hərəkətlərindən dərindən məyus olmuşuq. Azərbaycan uzun illər ərzində siyasi və iqtisadi baxımdan Fələstinə dəstək göstərib. Biz onların müstəqil dövlət qurmaq arzusunu hər zaman dəstəkləmişik. Yaxın Şərqdə sülhün təmin edilməsi baxımından iki dövlətli həll yolu yeganə çıxış yoludur: Fələstin dövlət qurmalı, Şərqi Qüds onun paytaxtı olmalıdır. Azərbaycan bu günədək Ukrayna xalqına humanitar və maliyyə dəstəyi göstərib. Qırx milyon avroya yaxın yardım edilibdir. Bu yardım davam edir, tamamilə şəffaf prossesdir. Ukraynalı uşaqlar Azərbaycana gələrək, burada reabilitasiya keçirlər. Biz kömək üçün əlimizdən gələni edəcəyik.
Azad edilmiş ərazilərdə artıq 8 minə yaxın əhali yaşayır. İlin sonuna qədər bu rəqəm 20 minə çatacaq. Bir neçə ay əvvəl biz 23 binadan ibarət yaşayış kompleksini istifadəyə verdik. Qarabağ, Şərqi Zəngəzur və Naxçıvan coğrafi baxımdan eyni regiondur. Onlar yaşıl enerji zonaları elan edilib. Tam inteqrasiya olunmuş elektrik kabeli layihəsi həyata keçirildikdən sonra Qarabağda istehsal edilən elektrik enerjisi Azərbaycanın digər bölgələrinə nəql olunacaqdır. Naxçıvanda 500 meqavat gücündə Günəş Elektrik Stansiyası ilə bağlı böyük planımız var. İkinci Qarabağ müharibəsi bitdikdən sonra biz hidroelektrik enerjisi sahəsinə vəsait yatırmışıq. Bu üç il ərzində 270 meqavat həcmində su elektrik stansiyaları artıq fəaliyyətdədir.
Çoxmillətli cəmiyyət Azərbaycanın fəxr etdiyi amildir. Düzgün siyasət, təhsil, tərbiyə, nümunə, davranış nümunəsidir. Vətən müharibəsi zamanı dinindən, etnik mənsubiyyətindən asılı olmayaraq hər bir vətəndaş öz həyatını qurban verib, sağlamlığından məhrum olub. “Troyka”nın təsis edilməsinin təşəbbüskarı Azərbaycandır. Bu, ötən, hazırkı və gələcək sədrlərin - Birləşmiş Ərəb Əmirliklərinin, Azərbaycanın və Braziliyanın “Troykası”dır. Bu, bir mexanizmdir. Buna qədər bu, mövcud deyildi. Bizim bu təklifimiz Birləşmiş Ərəb Əmirlikləri və Braziliya tərəfindən dəstəkləndi. COP, sadəcə, bir və ya iki həftə davam edən tədbir deyil. Bu, davamlı bir prosesdir. Biz çox gözəl bilirik ki, ən böyük karbon tullantılarını istehsal edən və ətraf mühiti çirkləndirən böyük ölkələr hansılardır. Ancaq elə bir platforma yaradılmalıdır ki, daha geniş maliyyə imkanlarına malik olan ölkələr digərlərinə kömək etsin.
Türk Dövlətləri Təşkilatının çox böyük gələcəyi var. Təşkilatı daha yüksək pilləyə qaldırmaq üçün ortaq səylər lazımdır. Coğrafiyamızın böyüklüyü, təbii sərvətlər, nəqliyyat yolları, gənc və artan əhali buna geniş imkanlar vədd edir. Bütün bu amillər təşkilatımızın potensialını əyani şəkildə göstərir. Biz birliyi daha da gücləndirməklə Türk Dövlətləri Təşkilatını dünya miqyasında güc mərkəzinə çevirməliyik. Gücümüz bir olanda dəmir yumruğumuz da ağır olur, daha möhkəm olur. Hər cümhuriyyətin öz siyasəti, öz baxışları var. Biz təşkilat olaraq hər bir ölkənin müstəqilliyini dəstəkləyirik, qoruyuruq və hər şeydən üstün tuturuq.
Mənzər Ağabəyova
Xəzər rayonu, 156 nömrəli tam orta məktəbin müəllimi
