İsveçrə və dünya reytinqində 7-ci sırada olan Sürix Universitetinə qəbul olan tələbə ilə müsahibə
İsveçrə və dünya reytinqində 7-ci sırada olan Sürix Universitetinə qəbul olan tələbə ilə müsahibə
Təhsil üçün İsveçrəni seçməyinizin səbəbi nədir?
- Xaricdə təhsil almaq istəməyimin səbəbi fakültəm üzrə dünyanın ən güclü, müxtəlif ölkələrdən, bir-birindən fərqli perspektivlərə sahib olan ekspertlər və tələbələri cəlb edən bir universitet istəməyimdir
Universitetdə oxuyarkən digər tələblərdən nə ilə fərqlənmisiniz? Ümumiyyətlə, universitetdə necə oxuyurdunuz?
- Universiteti əla qiymətlərlə bitirmişəm. Hər zaman mən müəllimlərimi, onlar da məni sevib. Digər tələbələrdən fərqlənmək deməyək, amma özüməməxsus məni mən edən şeylər olub. Bunlara başda idarəetmə qabiliyyətim və özümə güvənim olmaqla, digər spesifik xüsusiyyətlərim də daxildir.
İsveçrədə boş vaxtlarında nə edəcəksən?
- Vaxtımı təhsillə məşğul olmaq və İsveçrənin müxtəlif bölgələrinə səyahət edib, ölkənin mənzərələrinin heyranedici gözəlliyinə seyr etməklə keçirəcəm.
Xərclərini necə qarşılayacaqsan?
- Ailəm tərəfindən maddi dəstək alacam.
Ailə və dostlarını İsveçrəyə dəvət etmək haqda düşünmüsən?
- Şübhəsiz ki, yad ölkədə yaşamağın ən çətin tərəflərindən biri də sevdiklərinin həsrətidir. Telefonla müntəzəm əlaqə saxlamağa çalışacam və hər bir məzuniyyət vaxtı onlara baş çəkmək üçün Bakiya səfər etməyə çalışacam.
Xaricdə təhsil alan bir çox tələbələr oxuduqları ölkələrdə qalmağı seçir və geri qayıtmaq istəmirlər. Universitet təhsilini başa vurduqdan sonra geri qayıtmaq istəyirsən?
- Dostlarımın bir çoxu təhsillərini uğurla başa vurub, sürətlə seçdikləri peşə üzrə fəaliyyət göstərməyə başlamaq istəyirlər. Mən isə Təhsilimi uğurlu başa vurduqdan sonra əsas məqsədim Vətənə dönərək, Azərbaycan Respublikası Xarici İşlər Nazirliyində və yaxud ölkəmizin xarici ölkələrdə yerləşən diplomatik nümayəndəliklərində dövlətimizi layiqincə təmsil etməkdir.
Təhsildən sonra planlarınız nədir?
- Universiteti bitirdikdən sonra əsas hədəflərimdən biri doktorantura səviyyəsi üzrə təhsil almaqdır. Təhsil müddətində isə, Erasmus proqramı vasitəsilə digər bir ölkədə 1 semestr təhsil almağı arzulayıram. Çünki, fərqli universitet, fərqli ölkə və fərqli millət mənim dünyagörüşümü maksimum dərəcədə genişləndirəcək və mənim şəxs kimi formalaşmağıma daha çox töhfə verəcəkdir. Təhsilimi bitirdikdən sonra, təbii ki, Vətənə geri dönərək karyera planlarımı həyata keçirəcəyəm.
Başqa tələbələri ruhlandırmaq üçün onlara nə deyə bilərsiniz?
- Heç vaxt öz istəklərinizdən, ideyalarınızdan dönməyin. Əgər o yolda uğurlu olacağınızı düşünürsünüzsə, əmin addımlarla addımlayın. İnsan həyatda nəyi düşündüsə onuda gerçəkləşdirməyə qadirdir.
Müsahibəni aldı: Fəridə Abdulla
