Hidayət Heydərov Fransa idmançısına qalib gələrək Olimpiya çempionu oldu
Cüdoçumuz HİDAYƏT HEYDƏROV /73 kq./ Paris Olimpiadasında AZƏRBAYCANA ilk qızıl medalı qazandırdı.
Hələ bir neçə ay əvvəl HİDAYƏT HEYDƏROV 4- cü dəfə Avropa çempionu adını qazananda təxminən belə bir status yazmışdım: "İnanıram ki, sən Dünya və Olimpiya çempionu da olacaqsan. Çünki sən buna qadirsən".
Çox şadam ki, hər iki gözləntim özünü doğrultdu. HİDAYƏT həmin vaxtdan az sonra Dünya çempionu adını qazandı. İndi də idman yarışlarının zirvə nöqtəsinə- Olimpiya çempionu tituluna sahib çıxdı.
Onu da qeyd edim ki, bu, AZƏRBAYCAN idmançılarının müstəqillik dövründə Yay Olimpiya Oyunlarında 8-ci qızıl medalıdı. İndiyə qədər Sidney- 2000-də Zemfira Meftahəddinova/atıcılıq/ və Namiq Abdullayev/sərbəst güləş/, Afina-2004-də Fərid Mansurov/Yunan- Roma güləşi/, Pekin-2008-də Elnur Məmmədli/cüdo/, London-2012-də Togrul Əsgərov və Şərif Şərifov/ hər ikisi sərbəst güləş/, Rio-de Janeyro-2016-da Radik İsayev/ taekvondo/ bu uğura imza atıblar.
8 qızılla yanaşı, idmançılarımızın aktivində 14 gümüş və 28 bürünc medal da var. Göründüyü kimi, HİDAYƏT HEYDƏROVUN bu qızılı həm də AZƏRBAYCAN idmançılarının Olimpiya Oyunlarında sayca yubiley- 50- ci medalıdı.İnanırıq ki, davamı da gələcək.
Bu tarixi qələbə münasibətilə çempionumuzu və bütün xalqımızı təbrik edirəm.
HİDAYƏT, SƏNƏ MİN ƏHSƏN! YAŞA, VAR OL! SƏNİNLƏ QÜRUR DUYURUQ!
Onu da deyim ki, AZƏRBAYCANA qarşı "allergiya"sı olan Fransa prezidenti E. Makronun "agzının içində" fransız idmançısını məğlub edərək çempion olmağın, ardınca da bayrağımızı qaldırıb, himnimizi səsləndirməyin ayrı bir ləzzəti var. Bunu heç nə ilə müqayisə etmək mümkün deyil.
Rizvan Əhmədli
Gununxeberi.az
