“Böyük Zəfərin canlı şahidləri” adlı tədbir keçirildi
Yasamal rayon MKS-nin A.Şaiq adına 2 №-li kitabxana
filialında “Böyük Zəfərin canlı şahidləri” adlı tədbir keçirildi.
Torpaqlarımızın azadlığı uğrunda canlarından keçmiş
şəhidlərimizin əziz xatirəsi bir dəqiqəlik sükutla yad edildi.
Tədbiri giriş sözü ilə A.Şaiq adına 2 №-li kitabxana filialının
müdiri v.m.i.e. İradə Hüseynova açaraq, şanlı Qələbəni bizə
yaşadan qazilərimizlə görüşün əhəmiyyətindən danışdı. O bildirdi
ki, Müzəffər Ali Baş Komandanımızın rəhbərliyi ilə rəşadətli
ordumuzun döyüş meydanında göstərdiyi şücaət və qəhrəmanlıq
nəticəsində parlaq Qələbə qazanıldı. Şəhidlərimizin və
qazilərimizin Vətən yolunda göstərdikləri fədakarlıqlar, Vətən
sevgisi hər birimiz, xüsusilə də gənclərimiz üçün bir örnəkdir.
Onların qəhrəmanlığından əsrlər boyu danışılacaq, filmlər
çəkiləcək, kitablar yazılacaq.
Azərbaycan Respublikası “Şəhid Ailələri, Müharibə Əlilləri və
Veteranlarının Müdafiəsi” İctimai Birliyin Cəbrayıl rayon şöbəsinin
sədri, qazi, leytenant Səməd Atakişiyev Ali Baş Komandanın
rəhbərliyi ilə ordumuzun ildırımsürəti ilə torpaqlarımızı erməni
terrorçularının tapdağından azad etdiyindən danışdı. Döyüşən
əsgərlərin bir amalı var idi: Vətən, Torpaq, Qələbə. Xalqımızın
igid övladları Vətən, xalq deyərək ən şirin nemət olan canlarını bu
yolda qurban veriblər. Bugün üzümüz ağ, başımız ucadır. O qeyd
etdi ki, bu Zəfər tədbiridir.
Kitabxananın əməkdaşı Aybəniz Əliyeva çıxışında bildirdi ki, 30
ilə yaxın davam edən erməni işğalına son qoymaq üçün ayağa
qalxan əsgər və zabitləri Vətən müharibəsinin qəhrəmanlarını
ehtiramla anırıq.
Zəfər tarixi Azərbaycanın müasir tarixinin qürurla xatırlanan
günüdür. Bir sözlə bu gün, Azərbaycan Respublikasının
Prezidenti İlham Əliyevin “Qarabağ Azərbaycandır və nida”
kəlməsi ilə xalqın bu amal, bu məqsəd üçün ayağa qalxdığı
gündür.
Tədbirdə çıxış edən qazilər Ramiz Yusubov, Nurəddin
Muradov, Akif Yunusov, İlqar Rəfiyev, Seyfulla Niftalıyev, Cəfər
Məmmədov, Sahib İsrafilov, Gülağa Cəfərov, Raman İsmayılov
bildirdilər ki, hər birimiz Azərbaycanın suverenliyini, ərazi
bütövlüyünü qoruyacağımıza and içmişik. Bir azərbaycanlı kimi bu
bizim Vətənə qeyrət, namus borcumuz idi. Elə ona görə də Zəfər
qazandıq. İtirilmiş torpaqlarımız öz tarixi sahibinə qayıtdı,
Qələbəni təmin etdik.
Gənc nəslin vətənpərvərlik ruhunda yetişməsinin təhsil
müəssisələri qarşısında dayanan əsas vəzifələrdən biri olduğunu
vurğulayan müəllim Nərmin İsmayılova belə tədbirlərin davamlı
olacağına əminliyini bildirib və iştirakçılara uğurlar arzuladı.
Tədbirin bədii hissəsində gitarada Kənan Mahmudov və
müğənni Aybəniz Çələbi vətənpərvərlik mövzusunda mahnılar
ifa etdilər.
Görüşün sonunda qazilərə fəxri fərmanlar təqdim edildi.
