Yeni dövrün yeni vəzifələri
Azərbaycanda müstəqil mətbuat formalaşdıqdan sonra milli mətbuatla bağlı dövlət başçıları tərəfindən 3 mühüm sənəd imzalanmışdır. "Azərbaycanda milli mətbuatın yaradılmasının 125 illiyi haqqında" ilk fərman 27 mart 2000-ci ildə ulu öndər Heydər Əliyev tərəfindən verilmişdir. "Azərbaycanın milli mətbuatının 130 illik yubileyinin keçirilməsi haqqında" 20 iyun 2005-ci il tarixli Sərəncamı isə cənab İlham Əliyev imzalamışdır. "Azərbaycan milli mətbuatının 135 illik yubileyinin keçirilməsi haqqında" 10 iyun 2010-cu il tarixli Sərəncam da Prezident İlham Əliyev tərəfindən verilmişdir.Hər üç sənəd arasında möhkəm varislik əlaqəsi mövcuddur. Belə ki, sənədlərin hər üçündə Azərbaycan milli mətbuatının şanlı tarixinə qısa nəzər salınır, xalqımız qarşısında xidməti olan qəzet və jurnalların adları çəkilir, müsbət cəhətlər vurğulanır, habelə yubileyin təntənəli şəkildə keçirilməsindən ötrü görüləcək işlər sadalanır. Təbii ki, müəyyən fərqlər də mövcuddur. Yaddaqalan ümumi cəhət isə ondan ibarətdir ki, həm ulu öndər Heydər Əliyevin, həm möhtərəm Prezident İlham Əliyevin verdikləri fərman və sərəncamlar Azərbaycan milli mətbuatının inkişafına, qəzetlərin maddi-texniki bazasının möhkəmləndirilməsinə, jurnalistlərin maddi və mənəvi cəhətdən həvəsləndirilməsinə xidmət etmişdir.
Nərgiz Hüseynova Laçın rayon 12 nömrəli məktəbin direktoru YAP Laçın rayon təşkilatının 49 saylı ƏPT-nin sədri