Azərbaycanın davam edən uğurlu xarici siyasəti
Azərbaycanın davam edən uğurlu xarici siyasəti
Hələ 2002-ci ildəmillət vəkili, ARDNŞ-nin Birinci vitse-prezidenti olarkən İlham Əliyev ABŞ-da rəsmi səfərdə olaraq yüksək səviyyəli görüşlər keçirmişdi. Görüşlərin birindən sonra görkəmli siyasətçi Brent Skoukroft demişdi: “... Mən Azərbaycanın gələcəyinə nikbin baxıram. İlham Əliyev bizə güclü siyasətçi təsiri bağışlayır”.
2003-cü ildən etibarən Azərbaycan Respublikasının xarici siyasətində başlıca məqsədlər dövlətin hər cəhətdən müasir, rəqabətədavamlı ölkəyə çevrilməsi, ölkənini beynəlxalq enerji, nəqliyyat-komunikasiya və tranzit mərkəzlərindən biri olması prosesinin davam etdirilməsi, vətəndaşların rifahının daha da yüksəldilməsi üçün daha əlverişli beynəlxalq şəraitin təmin edilməsi və s. idi.
İntensiv fəal xarici siyasət nəticəsində illər ərzində ölkədə bir çox ikitərəfli, regional və beynəlxalq toplantılarda iştirak edən Azərbaycan ölkələr arasındakı ziddiyyətlərin aradan qaldırılmasında vasitəçilik etmək istiqamətində də səmərəli fəaliyyət göstərir.
Slovakiya Respublikasının Baş naziri Robert Fitsonun Azərbaycana səfəri və səfər çərçivəsində strateji tərəfdaşlıq haqqında Birgə Bəyannamənin imzalanması Azərbaycan – Slovakiya əlaqələrinin tarixində əlamətdar gün hesab olunmaqdadır. Eyni zamanda, hərbi-texniki əməkdaşlıq sahəsində Anlaşma Memorandumunun imzalanması,siyasi məsləhətləşmələrin aparılması, enerji sahəsindəki əməkdaşlıq Azərbaycan-Slovakiya əlaqələrində yeni səhifənin açılmasına işarədir.
Azərbaycanda Slovakiya şirkətləri fəaliyyət göstərir və onlar yol tikintisi, müxtəlif layihələrin həyata keçirilməsi ilə məşğuldurlar. Slovakiya Azərbaycanla energi, kənd təsərrüfatı, elektrik stansiyaları, ətraf mühitin qorunması və inşaat sahəsində əməkdaşlıq etməkdə daha çox maraqlıdır. Məhz bu konteksdə iki ölkənin əməkdaşlığının bir əlamətdar istiqaməti də azad edilmiş torpaqlarda Slovakiya şirkətinin fəaliyyətidir. Çünki Ağdamın Qərvənd kəndinin yenidən qurulması Slovakiya şirkəti tərəfindən icra ediləcək.
Azərbaycan–Slovakiya münasibətlərində enerji sahəsində əməkdaşlığın da xüsusi əhəmiyyət kəsb etdiyini demək mümkündür. Hazırda Azərbaycan 8 ölkəyə qaz ixrac edir. 2023-cü ildə “Həmrəylik Halqası” adlanan sənədin imzalanması ilə Azərbaycan qazının Slovakiya bazarına da nəql edilməsi üçün yaxşı imkanlar yaradıb. Bu mənada Azərbaycan 9-cu Avropa ölkəsi olmaqla Slovakiyaya da ixrac edə biləcək. Bu da ölkələr arasında iqtisadi münasibətləri daha da möhkəmləndirəcək.
Firəngiz Xəlilova,
Xəzər rayonu, 234 nömrəli məktəbin müəllimi