Azərbaycan və Bolqarıstan münasibətləri
Azərbaycan və Bolqarıstan münasibətləri
Azərbaycan və Bolqarıstan Respublikaları arasında münasibətlər müstəqilliyimizin ilk illərinə təsadüf edir. İki ölkə arasında diplomatik əlaqələr 1992-ci ilin iyun ayının 5-də qurulmuşdur. 1999-cu ildə dekabr ayında isə Bolqarıstanın Azərbaycanda səfirliyi fəaliyyətə başlamışdır. Prezident İlham Əliyev hakimiyyətə gəldiyi ilk illərdə Bolqarıstanda Azərbaycan səfirliyinin açılması haqqında sərəncam imzalamışdır. Hazırda Azərbaycan Respublikasının Milli Məclisində Azərbaycan-Bolqarıstan parlamentlərarası əlaqələr üzrə işçi qrupu fəaliyyət göstərir. Dövlətlərimiz arasında uzun illər ərzində baş tutan görüşlər zamanı ikitərəfli və siyasi əlaqələr, Ermənistan-Azərbaycan, Dağlıq Qarabağ münaqişəsinin nizama salınması və bu sahədə ATƏT-in fəaliyyətinin daha da intensivləşdirilməsi, NATO, Aİ-yə dair məsələlər, ticari-iqtisadi komisya və elmi-texniki komissiyanın fəaliyyəti barədə məsələlər, beynəlxalq terrorizmə qarşı birgə əməkdaşlıq, parlamentlərarası əməkdaşlığa dair məsələlər müzakirə olunmuşdur. Səfərlər zamanı Azərbaycan Respublikası və Bolqarıstan arasında birgə bəyannamə, Şəki və Qalerovo arasında qardaşlaşmış şəhər nümayəndiliyinin yaradılması haqqında birgə bəyannamə, Azərbaycan teleqraf agentliyi və Bolqarıstan teleqraf agentliyi arasında saziş, Azərbaycan Respublikası hökuməti və Bolqarıstan hökuməti arasında səhiyyə və tibb elmi sahəsində saziş, investisiyanın təşviqi və qarşılıqlı qorunması haqqında saziş, ticari-iqtisadi və elmi-texniki əməkdaşlıq üzrə Azərbaycan-Bolqarıstan Hökumətlərarası komisyanın ikinci iclasının protokolu, ticarət gəmiçiliyi haqqında saziş imzalandı. 2006-cı ildə BMT Baş Assambleyasının gündəliyinə "GUAM ölkələrində uzanmış münaqişələr və onların beynəlxalq sülhə, təlükəsizliyə və inkişafa təsiri" adlı yeni bəndin əlavə edilməsi üçün keçirilmiş səsvermədə Bolqarıstan bitərəf qalmaqla Azərbaycanı dəstəkləmişdir.
Dünən,yəni, mayın 8- də isə Azərbaycan-Bolqarıstan Respublikaları arasında biznes forumu keçirilmişdir. Görüşdə Azərbaycan - Bolqarıstan əlaqələrinin dövlət başçılarıın siyasi iradəsi nəticəsində dinamik inkişaf etdiyini vurğulanıb. Keçirilən müzakirələrin və səmərəli danışıqların perspektiv sahələr üzrə işbirliyinin möhkəmləndirilməsi və yeni birgə layihələrin həyata keçirilməsi üçün yaxşı zəmin olacağına əminlik ifadə olunmuşdur. Yeni təşəbbüslərin reallaşdırılması üçün hər iki ölkənin biznes nümayəndələri dəstək mexanizmlərindən yararlanmağa dəvət olunmuşdur. Onu da qeyd etmək lazımdır ki, iki ölkə arasında ticarət dövriyyəsi son dövrdə əhəmiyyətli dərəcədə artmışdır. Bolqarıstan hazırda Azərbaycanın ən çox ixrac həyata keçirdiyi ölkələrdən biridir. Eyni zamanda, Azərbaycanda Bolqarıstan sənaye, tikinti, ticarət və xidmət sahələrində aktiv şəkildə fəaliyyət göstərir. Bununla belə, dövlətlərimiz arasında qeyri-neft sektoru, sahibkarlıq, rəqəmsal iqtisadiyyat, innovasiya, nəqliyyat və tranzit sahələrində əlaqələri genişləndirmək üçün mümkün olan imkanların gələcəkdə daha da inkişaf etdiriləcəyinə ümidlər bəsləyirik!
Yaqublu Şəfiqə,
Xəzər rayonu, 237 saylı tam orta məktəbin müəllimi
