Bolqarıstan və Azərbaycan 2015-ci ildən strateji tərəfdaşdırlar
Bolqarıstan və Azərbaycan 2015-ci ildən strateji tərəfdaşdırlar
Uzun illərdir ki, Azərbaycan dövləti digər ölkələrlə siyasi və iqtisadi tərəfdaşlıq etmişdir. Ölkələr arasında əlaqələrin möhkəmlənməsi ilə bağlı bu günlərdə Bolqarıstan və Azərbaycan 2015-ci ildən strateji tərəfdaşdırlar. Bu illər ərzində əlaqələrimiz sürətlə və uğurla inkişaf etmişdir. Bolqarıstan Prezidentinin bu dəfəki səfəri bunun növbəti təzahürüdür.
Artıq bu gün Bolqarıstan-Azərbaycan əlaqələrinin geniş spektri müzakirə edilmiş və gələcək addımlarımız haqqında fikir mübadiləsi aparılmışdır. Son vaxtlar ticarət dövriyyəsi bir neçə dəfə artmışdır. Bunun əsas səbəbi təbii ki, enerji sektorundakı əməkdaşlıqdır. Təkcə onu demək kifayətdir ki, təbii qaz təchizatı sahəsində ildən-ilə Azərbaycan qazının Bolqarıstana ixracı artmaqdadır. Keçən il 1 milyard 250 milyon kubmetr Azərbaycan qazı Bolqarıstan bazarına təchiz edilməsi, müqayisə üçün demək olar ki, 2022-ci ildə bu rəqəm cəmi 600 milyon kubmetr olmuşdur. Bu da onu göstərir ki, bu ilin sonuna qədər 1,5 milyard kubmetr Azərbaycan qazı Bolqarıstana ixrac ediləcək. Bu da Bolqarıstanın qaz istehlakının təqribən inanılmaz dərəcədə 50 faiz artmasının və inkişaf etməsinin göstəricisidir.
Bolqarıstan, eyni zamanda, qaz nəqli istiqamətində önəmli tranzit ölkəyə çevrilibdir. Hazırda Azərbaycan qazı Bolqarıstan ərazisindən digər qonşu ölkələrə ixrac edilməkdədir və şübhəsiz ki, gələcəkdə bu ölkələrin sayı daha da artacaqdır. Yəni, bu, əməkdaşlığımızın konkret nəticələridir, çox güclü ikitərəfli əlaqələrimizin məntiqi nəticəsidir. Çünki bizim əməkdaşlığımız getdikcə konkret nəticələrlə nəticələnir. Beləliklə, əməkdaşlığın əsas məqsədi daha yaxşı nəticələri əldə etmək və biz həm ticarət dövriyyəsinin artımında, eyni zamanda, energetika sahəsindəki əməkdaşlıqda bunu görürük və görəcəyik.
Azərbaycanın xarici siyasətinin mühüm istiqamətlərindən biri də Mərkəzi və şərqi Avropa ölkələri, o cümlədən Bolqarıstanla ikitərəfli və çoxtərəfli əməkdaşlığın inkişaf etdirilməsidir. Azərbaycan ilə Bolqarıstan arasında münasibətlər hər zaman yüksək səviyyədə olmuş və müsbət nəticələrlə başa çatmışdır. Hər zaman olduğu kimi bu ildə hər iki ölkə arasında əlaqələr sürətlə və uğurla inkişaf edir. May ayının 8-də Bolqarıstan Respublikasının Prezidenti Rumen Radevin Azərbaycana rəsmi səfər etmişdir. Bolqarıstan Prezidentinin bu səfəri ölkələrimiz arasında əlaqələrin möhkəmlənməsində və inkişafında mühüm rol oynayacaqdır.Bolqarıstan Prezidentinin ölkəmizə səfəri ilə əlaqədar cənab Prezident İlham Əliyevin mətbuata verdiyi bəyanətə əsasən, hazırda Azərbaycan ilə Bolqarıstan Respublikası arasında strateji tərəfdaşlığın gücləndirilməsi haqqında bəyannamə irəli sürmüşdür.
Azərbaycan Respublikaqsının Prezidenti İlham Əliyev Bolqarıstan Prezidenti Radevə önəmli istiqamətlərdən biri olan nəqliyyatla bağlı məlumat vermişdir. Prezident qeyd etdi ki, Azərbaycanın sərmayəsi sayəsində bir neçə gün bundan əvvəl Bakı-Tbilisi-Qars dəmir yolunun modernləşdirilməsi tam başa çatmışdır. Onun ötürmə qabiliyyəti bir neçə dəfə artırılmışdır. Vaxtilə Azərbaycan tərəfindən təşəbbüs kimi irəli sürülmüş, bu gün isə artıq imkanları genişləndirilmiş bu layihə Orta Dəhlizin önəmli seqmenti kimi təbii ki, mühüm rol oynayacaqdır. Həm Şərq-Qərb istiqaməti və həm də əks istiqamət üzrə daha böyük həcmdə yüklərin daşınması bizim münasibətlərimizi daha da gücləndirəcəkdir.
Beləliklə, qeyd etmək olar ki, artıq bugünkü səfərin nəticələri haqqında danışmaq yerinə düşər. Nəticələrdən biri odur ki, strateji tərəfdaşlığımızın artıq gücləndirilmiş versiyası rəsmən qəbul edilmiş və təsdiqlənmişdir. Bütün qeyd etdiyi kimi bir neçə başqa məsələ ilə bağlı da fikir ayrılığı öz töhfəsini verdi. Rəhbərlərin əsas məqsədi ikitərəfli əməkdaşlığı dərinləşdirmək, yeni məzmunla zənginləşdirmək və strateji tərəfdaşlar kimi birgə səylər göstərməkdən ibarət idi.
Azərbaycan ilə Bolqarıstan münasibətləri qarşılıqlı hörmət və etimad əsasında formalaşaraq strateji tərəfdaşlıq münasibətlərinə zəmin yaratmışdır. Qeyd edək ki, Prezident İlham Əliyevin 2015-ci ildə Sofiyaya səfəri çərçivəsində ölkələrimiz arasında imzalanmış Strateji tərəfdaşlıq haqqında birgə bəyannamə çox yüksək səviyyədə həyata keçmişdir. Bu gün ölkələrimiz arası əməkdaşlığımız siyasi , iqtisadi, mədəni , humanitar sahələri əhatə etməklə çoxşaxəli inkişaf etmişdir. Prezident İlham Əliyev iki ölkə arasındakı münasibətlər haqqında demişdir:”Bolqarıstan ilə Azərbaycan strateji tərəfdaşdırlar. Biz nisbətən yaxın vaxtda müvafiq bəyannaməni imzalamışıq. Bir sözlə, bu, olduqca yüksək səviyyəli əməkdaşlıqdır. Əlbəttə, strateji əməkdaşlıq bir çox sahələri, o cümlədən enerji təhlükəsizliyini əhatə edir. Bu mövzu hazırda qlobal gündəliyin ən üstün mövzularından biridir”. Bolqarıstan Prezidenti Rumen Radevin qeyd etdiyi kimi, Azərbaycan etibarlı strateji tərəfdaşdır, dostdur.
Bildiyiniz kimi, Azərbaycan tərəfdaş ölkələrlə, o cümlədən Bolqarıstanla bu istiqamətdə çox fəal iş aparır. Beləliklə , bir neçə aydan sonra hazır olacaq texniki-iqtisadi əsaslandırma işlərin başlanması üçün gözəl zəmin yaradılacaqdır. Artıq Azərbaycan Avropa məkanı üçün təkcə neft-qaz təchizatçısı kimi deyil, eyni zamanda, yaşıl enerji təchizatçısı kimi özünü göstərəcəkdir.
Həsənova Almara,
Xəzər rayonu, 323 №li tam orta məktəbin müəllimi
