Goranboyda Mədəniyyət işçilərinin təşkilatçılığı ilə Şəhid Aqil Talıbovun mövlud günü münasibətilə tədbir keçirilib - Fotolar
Gəncə - Daşkəsən Regional Mədəniyyət İdarəsi Goranboy Rayon Mədəniyyət Mərkəzinin Muzdurlar kənd Sənətkarlıq Evində Dəyirmanlar kənd Mədəniyyət Evinin Yolpaq, Alpout, Qırıxlı, Şıxlar, Qarasuçu kənd Klublarının, Muzdurlar kənd Kitabxana Filialının birgə təşkilatçılığı ilə Birinci Qarabağ Müharibəsi zamanı Torpaqlarımızın ərazi bütövlüyü uğrunda gedən döyüşlərdə itkin düşərək Şəhidlik statusu almış Muzdurlar kənd sakini Aqil Fərman oğlu Talıbovun mövlud günü ilə əlaqədar "
Şəhidlik ən uca zirvədir " adlı tədbir keçirilib.
Gununxeberi.az Mubarizciler.az-a istinadən xəbər verir ki, Keçirilən tədbirində Aqil Talıbovun anası, doğmaları, Birinci Qarabağ və Vətən müharibəsinin Şəhid ailələri, Qazilər, Veteranlar, Goranboy rayon Mədəniyyət Mərkəzinin bədii-rəhbəri İdeya Dəmirbəyli, Rayon Mədəniyyət Mərkəzinin tabeliyində kənd və qəsəbələrdə fəaliyyət göstərən Mədəniyyət Evləri və Klubların nümayəndələri, Muzdurlar Kənd İcra Nümayəndəliyi, Şəhidin döyüş yoldaşları, kənd sakinləri, Muzdurlar kənd Tam Orta məktəbinin pedaqoji kollektivi və şagirdləri eləcə də digər qonaqlar iştirak ediblər.
Keçirilən tədbirində xalqımızın Ümummilli Lideri Heydər Əliyevin, Azərbaycanın suverenliyi, müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Tədbiri giriş sözü ilə açan Mədəniyyət işçisi,İctimai-fəal Elçin Tağıyev ilk öncə bütün Şəhid ailələrinə Gəncə - Daşkəsən Regional Mədəniyyət İdarəsinin rəisi cənab Pərvin Kazımovun və Goranboy rayonu üzrə nümayəndəsi İsax Məmmədovun adından dərin hüzünlə başsağlığı verərək Şəhidlərimizə uca Allahdan rəhmət, ailələrinə səbir diləmişdir.
Müzəffər Ali Baş Komandan İlham Əliyevin rəhbərliyi ilə rəşadətli Ordumuzun düşmən üzərində qazandığı parlaq Qələbədən, Vətən müharibəsində Azərbaycan oğullarının göstərdiyi şücaət və qəhrəmanlıq nümunələrindən söhbət açaraq 44 günlük haq savaşında bütün Şəhidlərimizin qisasının alındığını vurğuladı.
Bu gün Azərbaycanın ərazi bütövlüyü tam təmin edilərək bütövləşdi. Bu böyük bir qələbədir deyə E. Tağıyev bildirmişdir.
Tədbirdə Muzdurlar kənd Sənətkarlıq Evinin direktoru Tərlan Bayramova tədbir iştrakçılarını salamlayaraq başda Şəhid ailələri olmaqla hər bir kəsə sonsuz minnətdarlığını bildirdi. Eyni zamanda Aqil Talıbovun qısa və mənalı ömür hekayəsi barədə çıxış etdi.
Aqil Talıbovun anası Tellibəyim Talıbova onlara göstərilən diqqət və qayğıya, eləcə də şəhidlərimizin xatirəsinin uca tutulduğuna görə Azərbaycan Respublikasının Prezidenti cənab Ilham Aliyev ə və Birinci Vitse-Prezident xanım Mehriban Əliyeva ya minnətdarlığını bildirdi.
Şəhid anası övladının mövlud gününün yüksək səviyyədə qeyd edilməsi üçün keçirilən tədbirin təşkilatçılarına, Mədəniyyət işçilərinə təşəkkürünü ifadə etdi.
Çıxış edən Aqil Talıbovun döyüş yoldaşı, Birinci Qarabağ Müharibəsi veteranı İsgəndər Vəliyev onunla bağlı xatirələrini bölüşdü.
Çıxış edən 44 günlük Vətən müharibəsinin Şəhidi Ehtiram Məmmədovun atası Mehman Məmmədov Şəhidlərimizin xatirəsinə həsr edilən tədbirin yüksək səviyyədə keçirilməsində əməyi olan bütün Mədəniyyət işçilərinə minnətdarlığını bildirdi.