Azərbaycan və Bolqarıstan arasında müxtəlif sahələrdə əməkdaşlığın müsbət dinamikası
Cari ilin 8 may tarixində Bolqarıstan Prezidenti Rumen Radev Respublikamızda rəsmi səfərdə olmuş, Prezidentimizlə görüşmüşdür. Bu münasibətlə Prezident İlham Əliyev mətbuata bəyanat vermişdir.
Hələ 2015-ci ildən Bolqarıstan və Azərbaycan strateji tərəfdaşdır. Ötən illər ərzində isə bu əlaqələr sürətlə inkişaf etmişdr. Məhz səmərəli dialoq əlaqələrimizi daha da genişlındirib. Son vaxtlar ticarət dövriyyəsi artmışdır. Bu artım əsasən enerji sektorunda daha çox özünü göstərir. Belə ki, təbii qaz təhcizatı sahəsində Bolqarıstana ixracat ildən-ilə artır. Keçən il 1 milyard 250 milyon kubmetr Azərbaycan qazı Bolqarıstana nəql edilmişdir. Müqayisə üçün deyək ki, keçən il bu rəqəm 600 milyon kubmetr idi. İlin sonuna qədər ixrac ediləcək qaz Bolqarıstanın tələbatının 50 faizini təşkil edəcək. Eyni zamanda Bolqarıstan dövləti tranzit funksiyasını da həyata keçirir. Belə ki, Bolqarıstana nəql edilən qaz buradan başqa öıkələrə də ixrac edilir. Əməkdaşlığın əsas məqsədi daha yaxşı dinamika əldə etməkdən ibarətdir.
Azərbaycan bu gün tərəfdaş ölkələrlə, o cümlədən Bolqarıstanla “yaşıl enerji kabeli” layihəsi istiqanətində də iş aparır. Azərbaycan Avropa üçün təkcə neft-qaz təhcizatçısı kimi deyil, eyni zamanda yaşıl enerji təhcizatçısı kimi özünü göstərəcək. Potensial kifayət qədər genişdir.
Önəmli əməkdaşlıq istiqamətlərindən biri də nəqliyyat sahəsidir. Azərbaycanın sərmayəsi sayəsində bir necə gün bundan əvvəl Bakı-Tbilisi-Qars dəmir yolunun modernləşməsi tam başa çatıb. Vaxtilə Azərbaycan tərəfindən irəli sürülmüş, bu gün isə artıq imkanları genişləndirilmiş layihə orta dəhlizin seqmenti kimi mühüm rol oynayacaq. Bütün istiqamətlərdə daha böyük həcmdə yüklərin daşınması bizim münasibətlərimizi daha da gücləndirəcək.
Bu il 8 may tarixində Azərbaycan–Bolqarıstan arasında bir sıra sənədlər imzalanmışdır. Ümumilikdə Bolqarısrtanla ikitərəfli əməkdaşlığın inkişaf etdirilməsi ölkəmizin xarici siyasətinin istiqmətlərindən biridir. Bu munasibətlər həmişə yüksək səviyyədə olmuşdir və dinamikası ilə seçilir. Əlaqələrimizin zəngin tarixi var. Belə ki, münasibətlərimiz hələ 1992-ci il oktyabrın 5-də qurulub.
1999-cu ildə Bolqarıstanın Bakida, 2005–ci ildə isə Azərbaycanın Sofiyada səfitliyi fəaliyyətə başlayıb. Ötən illər ərzində bir çox sahələr üzrə-iqtisadi, siyasi, enerji, mədəni və digər sahələrdə əlaqələrimiz dinamik inkişaf etmişdir. Bu illər ərzində ölkələrimiz arasında 60–dan çox sənəd imzalanmışdır. Bolqarıstan da Azərbaycanı Cənubi Qafqazda və Qara dəniz regionunda strateji etibarlı tərəfdaş hesab edir.
İki ölkə arasında ticarət, nəqliyyat, sərmayələr, yüksək texnologiyalar turizm və digər sahələrdə əməkdaşlığın perspektivləri mövcuddur.
Əliyev Elçin,
Xəzər rayonu, 26№ li tam orta məktəbin müəllimi
