Göygöl rayonunda Ulu Öndər Heydər Əliyevin 101 illiyi ilə bağlı tədbirlər planı çərçivəsində “Heydər Əliyev uşaqların gözü ilə” adlı məktəblilərarası rəsm müsabiqəsi keçirilib
Göygöl Rayon İcra Hakimiyyəti, Yeni Azərbaycan Partiyası Göygöl rayon təşkilatı, Təhsil sektoru, Gənclər Evi SXM və Gənclər İdman sektorunun birgə təşkilatçılığı ilə 08 may 2024-cü il tarixdə Ümummilli Lider Heydər Əliyevin 101 illiyi ilə bağlı “Heydər Əliyev uşaqların gözü ilə” adlı məktəblilərarası rəsm müsabiqəsi keçirilib.
İlk öncə Ulu Öndər Heydər Əliyevin və torpaqlarımızın azadlığı uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad olunub.
YAP Göygöl Rayon Təşkilatının sədri Vüqar İsayev dahi şəxsiyyət Ulu Öndər Heydər Əliyevin həyat və fəaliyyətindən, dövlətimiz və xalqımız qarşısındakı misilsiz xidmətlərindən danışmış, Ümummilli Liderimizin Azərbaycanda müstəqil dövlətçiliyi yaradan və yaşadan Lider olduğunu vurğulayaraq, onun xidmətlərinin miqyasının ölçüyəgəlməzliyinin bugünkü Azərbaycanın reallıqlarında aydın ifadəsini tapdığını diqqətə çatdırmış, müsabiqənin şərtləri və qaydaları haqqında iştirakçılar məlumatlandırılmışdır.
Müsabiqədə rayonun 27 ümümtəhsil məktəbindən olan şagirdər iştirak edib. Qaliblər müəyyən olunub. Ulu Öndər Heydər Əliyevin 101 illiyi ilə bağlı Göygöl rayonunda silsilə tədbirlər davam edir və 10 may 2024-cü il tarixdə keçiriləcək yekun tədbirində qaliblərin fəxri fərmanlar və qiymətli hədiyyələrlə təltif olunması nəzərdə tutulur.
