Zaqataladakı kütləvi zəhərlənmə ilə bağlı araşdırma aparılır - YENİLƏNİB
Zaqatala şəhərində yerləşən iaşə obyektlərindən birində 15 nəfər şəxsin qidadan zəhərlənməsi faktı üzrə Zaqatala rayon prokurorluğunda araşdırma aparılır.
Baş Prokurorluğun Mətbuat xidmətindən "Unikal"a verilən məlumata görə, ilkin ehtimallara əsasən, rayon sakinləri quş əti tərkibli qidadan zəhərlənib.
Zəhərlənmənin səbəbinin müəyyənləşdirilməsi məqsədilə iaşə obyektindən qida nümunələri götürülərək müvafiq ekspertizalar təyin edilib və digər zəruri prosessual hərəkətlər yerinə yetirilib.
*** 22:44
Zaqatalada baş verən hadisənin səbəbləri, həmçinin qida zəhərlənməsi olub-olmaması ilə bağlı Azərbaycan Respublikasının Qida Təhlükəsizliyi Agentliyinin mütəxəssisləri ilə müvafiq qurumların əməkdaşları tərəfindən araşdırmalara başlanılıb.
"Gunnxeneri.az l" xəbər verir ki, bu barədə Agentliyin məlumatında deyilir.
Araşdırmaların nəticələri ilə bağlı ictimaiyyətə məlumat veriləcək.
